7 рэчаў, якія Біблія кажа пра гадаваньне дзяцейУзор

Мае роды доўжыліся 60 гадзінаў. 60 доўгіх, балючых і неспакойных гадзінаў. Некаторыя жанчыны скардзяцца наконт таго, колькі часу доўжыліся іхныя роды, іншыя носяць тую даўжыню як мэдаль за заслугі. Я б сказала, што я адношуся да іншых, бо ганаруся кожнаю хвілінаю, што тады зьнясільвала.

Але гонар, які я адчула сьпярша, зьнік, як толькі я пачула, як мой сын пачаў плакаць сярод ночы, усяго толькі некалькі гадзінаў пасьля нараджэньня. “Што гэты плач азначае? Ці ён галодны? Скуль я ведаю, колькі яму даваць? Ці яму патрэбна штосьці іншае? Наогул, дзе тая мэдсястра?!?"

Калі я ўбачыла майго сына, то я адчула ўдзячнасьць за дар ягонага жыцьця, якую я не магла патлумачыць. Але амаль што адразу за гэтым непараўнальным пачуцьцём удзячнасьці надышла хваля сумневу, страху ды няздатнасьці. Як навюсенькая маці, я адчувала сябе некваліфікаванай ды дрэнна падрыхтаванай да таго, каб узяцца за гадаваньне дзіцяці.

Шчыра кажучы, тое пачуцьцё цалкам ня зьнікла. Але я цалкам веру, што тое, што кажа Біблія, ёсьць праўдай:

“Калі ж каму-небудзь з вас не хапае мудрасьці, хай просіць у Бога, Які дае ўсім проста й без дакораў, - і дасца яму.” Якава 1:5

Праз майго сына Бог паказаў мне новы бок Свае шчодрасьці, і навіна гэтае пары прымусіла мне пакорліва прасіць у Яго мудрасьці. Ён заўсёды накіроўвае маё мацярынства Сваёю мудрасьцю штораз, як я пакорліва йду да Яго з жаданьнем вучыцца.

Спадзяюся, што вы ўсьведамляеце, які рэсурс вы маеце ў Хрысьце. Ён хоча працягваць абдорваць вас Сваёю шчодрасьцю, у той час, як вы гадуеце вашых дзяцей. Ён хоча - больш за вас - каб вашае дзіцё ведала Яго, любіла Яго, служыла Яму й дазваляла Яму накіроўваць ягонае жыцьцё. Ён мудры й ласкавы, і Ён гатовы шчодра даць вам тае мудрасьці й ласкі. Ці вы гатовыя прыняць іх?

Ідзеце да нашага шчодрага Бога й прасеце мудрасьці на гэтую нялёгкую справу гадаваньня дзяцей. Ён ахвотна дасьць вам яе.

Джэсіка Пінік,

кіраўніца кантэнту YouVersion