7 рэчаў, якія Біблія кажа пра гадаваньне дзяцейУзор

Быў чэрвень 2010 года, і вось-вось павінна было нарадзіцца нашае першае дзіцё. Аднаго разу як мы вячэралі з маім татам, я вырашыў папрасіць, каб ён падзяліўся сваімі ведамі. Я папрасіў майго тату даць мне ягоную найлепшую параду наконт гадаваньня дзяцей, зыходзячы зь ягонага доўгага досьведу.

Ён падумаў хвілінку, а потым прапанаваў аналёгію, якую я заўжды буду памятаць. Мой тата сказаў, што гадаваньне дзяцей - гэта як вагі. Ня тыя, якімі вы карыстаецеся, каб вызначыць сваю вагу ў ванным пакоі, а як тыя шалі, што зьяўляюцца сымбалем правасудзьдзя. У адной місцы знаходзіцца любоў, а ў другой - дысцыпліна. Калі адно зачаста пераважае над іншым, тое прынясе шкоду дзіцяці.

Потым мой тата патлумачыў, што чым болей любові вы паказваеце свайму дзіцяці, тым ахвотней яно прыме вашую дысцыпліну. І калі вы дысцыплінуеце дзіця, то вы таксама павінны паведаміць яму, што вы яго моцна любіце. Зашмат любові без дысцыпліны можа разбэшчыць дзяцей, а зашмат дысцыпліны безь любові можа пакалечыць іх эмацыйна й адагнаць іх ад вас.

Ад таго вечару я часта разважаў пра суадносіны паміж дысцыплінай ды любоўю. Мне здаецца, што бацькі часта пачуваюцца няёмка, калі дысцыплінуюць сваіх дзяцей. Шчыра кажучы, гэта не зусім прыемнае заданьне. Гэта цяжка, але карысна. Дык я раю вам тарнаваць належную колькасьць дысцыпліны, каб вашыя дзеці ведалі, што вы любіце іх ды дбаеце пра іх.

Гэтак сама, як мы любім нашых дзяцей і мусім дысцыплінаваць іх, наш Нябесны Тата любіць і дысцыплінуе Сваіх дзяцей. Калі вы прынялі Хрыста за вашага Госпада й Збаўцу, то Бог ёсьць вашым Бацькам. Ён усынавіў вас у Сваю сям’ю.

Брэд Бэл’ю,
інжынэр YouVersion