Елісей: аповесьць пра надзвычайную веруУзор

У 4 Царстваў 4:38-44 Елісей працягвае ўчыняць цуды, падобныя да Ісусавых. Першы цуд заключаўся ў тым, што Елісей ачысьціў ад атруты поліўку, што зварылі для прарокаў. Другі цуд заключаўся ў тым, што Елісей памножыў дваццаць боханаў ячнага хлебу, каб было чым накарміць сто асобаў. Гэтыя цуды зьяўляюцца яшчэ адным прыкладам таго, як Бог выкарыстаў Елісея дзеля таго, каб задаволіць патрэбы іншых. У тваім жыцьці, напэўна, была нейкая "атручаная поліўка", якую Бог ачысьціў. Магчыма, гэта было нешта фізычнае або нешта ўнутры, у тваім сэрцы або розуме. Магчыма, цяперака ў тваім жыцьці ёсьць нешта атручанае, і ты ня здолееш выдаліць тое самастойна, толькі Божая сіла здолее тое зрабіць. Гэтак жа, як Ён зрабіў тое з простаю поліўкаю, Ён можа выдаліць усякую атруту з твайго жыцьця й зрабіць цябе новым і здаровым зноў. Ад якое атруты Бог вызваліў цябе? Ад якое атруты ты хочаш, каб Бог ачысьціў тваё жыцьцё зараз?