Елісей: аповесьць пра надзвычайную веруУзор

У 4 Царстваў 6:8-23 сырыйскі валадар зрабіў спробу ўзяць Елісея ў палон, бо ён быў адказны за ізраільскія перамогі над Сырыяй. Штораз як той валадар спрабаваў захапіць Ізраіля, Елісей звышнатуральна папярэджваў ізраільскага валадара і зрываў ягоныя пляны. Калі Елісееў слуга пачуў пра намер сырыйскага валадара ўзяць Елісея ў палон, дык ён спалохаўся, а Елісей папрасіў Бога разамкнуць ягоныя вочы, каб ён змог убачыць нябесныя арміі на іхным баку. Убачыўшы як блізка была Божая сіла, Елісееў слуга атрымаў упэўненасьць, каб ісьці наперад.

У нашых жыцьцях трапляюцца моманты, падобныя да таго, які перажыў Елісееў слуга; нашыя вочы ня бачаць таго, што нам трэба бачыць, і той факт, што мы ня можам бачыць, толькі дадае роспачы. Магчыма, ты ня бачыш, што ў цябе ёсьць нейкая залежнасьць або падарваныя стасункі. Магчыма, ты ня бачыш, што ты ня цалкам аддадзены Богу, а толькі ідзеш за Ім, калі зручна або калі ты ў царкве. Магчыма, ты ня бачыш, што ты не зьяўляесься асобаю, якою Бог хоча, каб ты быў, і замест таго ты самазадаволены. Нягледзячы на тое, чаго ты ня бачыш, Бог здолее разамкнуць твае вочы, каб ты ўбачыў праўду. Усё, што табе трэба зрабіць - гэта папрасіць Яго ды пагадзіцца дазволіць Яму зрабіць тое. На тваю думку, чаго ты ня бачыш? Што ты можаш зрабіць, каб расплюшчыць вочы?