Елісей: аповесьць пра надзвычайную веруУзор

Ад 4 Царстваў 6:24 да сёмага разьдзелу, мы вяртаемся да агульнае тэмы ў Елісеевым жыцьці: Бог выкарыстоўвае Елісея дзеля таго, каб забясьпечыць патрэбы Сваіх людзей. У гэтым урыўку ізраільскі народ галадаў у сталіцы, што знаходзілася пад аблогаю сырыйцаў. Елісей прадказаў, што Бог пашле гэтак шмат ежы, што яна будзе прадавацца амаль што задарма. Вынікам гэтага быў яшчэ адзін дзіўны зьбег абставінаў у жыцьці Елісея, бо ізраільскі народ убачыў, што сырыйская армія зьнікла ды, на дзіва, пакінула ўсю сваю ежу ды запасы. Бог зноў забясьпечыў патрэбы ізраільскага народу. Бог дбаў пра Свой народ і Ён дбае пра цябе.

Паразважай над тымі часінамі, калі ты быў у нястачы. Падумай пра тое, як Ён стала прыходзіў у тваё жыцьцё, каб забясьпечыць твае патрэбы. Піліпянаў 4:19 кажа нам, што Бог напоўніць усякую тваю патрэбу паводле Свайго багацьця ў славе, у Хрысьце Ісусе. Гэтае абяцаньне было верным тысячы гадоў таму для ізраільскага народу, і яно застаецца верным сёньня для цябе. Бог не пакіне цябе. Ён задаволіць усякую тваю патрэбу, нягледзячы на тое, ці маленькая яна, ці вялікая. Як Бог заўсёды напаўняе твае патрэбы ў тваім жыцьці?