Елісей: аповесьць пра надзвычайную веруУзор

Елісеева жыцьцё было поўным дзіўных ды сьмеху вартых момантаў. Адзін з найдзіўнейшых апісаны ў 4 Царстваў 6:1-7. Тут мы чытаем пра групу прарокаў, што секлі дрэвы на новыя хаты. Адзін з прарокаў згубіў сваю сякеру й засмуціўся, бо яна была пазычаная. Елісей тады ўзяў кавалак дрэва і кінуў туды, куды сякера ўпала была. Сякера адразу ж выплыла на паверхню. Чытаючы гэтае апавяданьне, сьпярша можа падацца, што ў ім няма сэнсу, але насамрэч у ім ёсьць шмат урокаў. Бог дбае пра тое, што ты згубіў. Ніякая патрэба не зьяўляецца занадта малою ў Божых вачах, нават згубленая сякера.

Што ты згубіў? Нейкае дабраславеньне, стасункі, супакой, грашовую стабільнасьць, тваю рэпутацыю або нешта іншае? Вось добрая навіна: Богу не ўсё роўна, што ты нешта страціў, і Ён можа дапамагчы табе вярнуць страчанае. Пачні шукаць там, дзе яно згубілася. Вярніся туды, дзе ты згубіўся й дазволь Богу дапамагчы табе вярнуцца да правільнага шляху. Магчыма, трэба будзе кінуць нешта й пачаць рабіць нешта іншае. Твая сякера ня зьнікла; яна там, дзе ты яе пакінуў. Бог здолее перамагчы сілу прыцягненьня й вярнуць яе табе. Што ты хочаш, каб Бог дапамог табе адшукаць? Што ты будзеш рабіць?