Елісей: аповесьць пра надзвычайную веруУзор

Ці ты адчуваеш сябе прыбітым шматлікімі адказнасьцямі ды цяжкасьцямі, што стаяць перад табою, здаецца, на кожным кроку? Ці ты адчуваеш, што ў цябе не засталося ані выбару, ані сілы? Жонка прарока, які памёр у 4 Царстваў 4:1-7, пэўна менавіта так сябе і адчувала. Калі памёр ейны муж, дык яна апынулася ў вельмі цяжкім грашовым становішчы, і баялася, што пазыкоўца забярэ ўсё, што яна мела, улучаючы ейных двух хлопчыкаў. Яна папрасіла, каб Елісей дапамог. Калі ён спытаў яе, што ў яе было, дык яна адказала, што ў яе не было нічога, акрамя маленькага слоіку з алеем. Магчыма, ты выдатна разумееш тую ўдаву, бо думаеш, што табе нечага бракуе, і ты адчуваеш роспач і засяроджваесься выключна на сваіх абмежаваньнях. Але ж Бог бачыць тваю праблему інакш.

Сьвятое Пісьмо зьмяшчае шматлікія прыклады таго, як Бог робіць вялікае з малога, і гэтая гісторыя зьяўляецца адным з тых прыкладаў. Сьвету тое можа падавацца нелягічным або вартым сьмеху, але Богу не. Бог узяў адзін слоік з алеем ды памножыў яго, каб удава змагла сплаціць сваю пазыку. Калі ты адчуваеш сябе прыгнечаным і ня ведаеш, што рабіць, дык памятай, што тое, што ў цябе ёсьць - гэта ўсё, што патрэбна Богу. Бог даў табе ўсё, што табе трэба. У якіх сфэрах твайго жыцьця ты адчуваеш сябе гэтакім прыгнечаным, што табе падаецца, што ў цябе нічога не засталося? Што ты можаш зрабіць, каб засяродзіць увагу на Богу?