Зьнішчэньне крыптаніту з Джонам Біўірам.Узор

Калі гаворка ідзе пра вернікаў і грэх, існуюць тры магчымыя сцэнары.

Першы: вернікі, якія не заўважаюць грэху праз зачарсьцьвелае сэрца. Другі: вернікі, якія вераць у хлусьню аб тым, што мы ўсё грэшнікі, што Ісусава кроў здолее вызваліць нас ад спагнаньня за грэх, але не ад прыгону грэху. Гэтыя дзьве групы - як крыптаніт у Хрыстовым Целе; яны робяць усё Цела слабым праз сваё дабраахвотнае непаслушэнства Хрысту.

Адылі існуе і трэцяя група - вернікі, якім цяжка вызваліцца ад грэху. Вось да гэтае трэцяе групы я хачу прамовіць сёньня.

Па-першае, Ісус ніколі ня кіне прабачаць цябе. Ён бачыць пакуты, якія прыносіць табе грэх штораз як ты памыляесься. Ён ведае, што ты сапраўды жадаеш быць вольным. І празь Ягоную ласку гэтыя словы дапамогуць табе сёньня. Я сам гадамі належаў да гэтае трэцяе групы праз маю залежнасьць ад парнаграфіі. Я займеў тую залежнасьць за некалькі гадоў да таго, як прыйшоў да Хрыста, і нават пасьля таго, як ажаніўся й пачаў служыць, я ня здолеў вызваліцца ад яе. Аднойчы нават адзін з найаўтарытэтнейшых у Амэрыцы пастараў памаліўся за мяне, каб я вызваліўся ад мае залежнасьці. Нічога не дапамагала.

Я ня стаў свабодным, пакуль не зьмяніў свае прыярытэты. Спачатку я хацеў, каб Бог вызваліў мяне, бо баяўся, што мой грэх нашкодзіць майму служэньню. Але потым маё сэрца перамянілася, і я пачаў засяроджвацца на тым, як мае рашэньні ўплывалі на мае адносіны з Ісусам. Я пачаў дбаць пра тое, як мой грэх уплываў на Бога.

У 2 Карынцянаў 7:10 Павал супрацьстаўляе два тыпы смутку - смутак дзеля Бога вядзе да збаўленьня, а смутак дзеля сьвету вядзе да сьмерці. Мая гісторыя ілюструю абодва. Спачатку мой смутак быў дзеля сьвету, бо я непакоіўся аб тым, што магло здарыцца са мною. Але потым мой смутак стаў дзеля Бога, бо я пачаў непакоіцца пра тое, як мой грэх засмучаў Бога ды іншых людзей.

Дарагі сябру, Божая сіла здолее вызваліць цябе ад грэху й даць цябе вечнае жыцьцё. Жадай пакаяньня дзеля Бога, атрымай Божае прабачэньне й адважна жыві ў Хрысьце.