Зьнішчэньне крыптаніту з Джонам Біўірам.Узор

Магчыма, цябе зьдзівіць той факт, што ў першы дзень гэтага пляну чытаньня я меў на мэце… расчараваць цябе. Зараз патлумачу.

Існуе велізарная розьніца паміж тым, што адбывалася ў царкве часоў Новага запавету, і тым, што адбываецца ў царкве сёньня. Лёгка абвінаваціць у гэтым раздробленасьць інстытуцыі, няправедных лідэраў, культуру і г.д., але замест таго, скарыстаймася тутака з нагоды праверыць уласнае жыцьцё.

Насамрэч, хрысьціяне першага стагодзьдзя былі супэрасобамі свайго часу, і сьвет быў у захапленьні ад іх. Вось толькі некалькі прыкладаў іхніх гераічных учынкаў, апісаных у Сьвятым Пісьме:

Сярод іх не было анікога ў нястачы - нікому нічога не бракавала фізычна, і ніхто не атрымліваў дапамогу ад дзяржавы (Дзеі 4:33–35). Цэлыя мястэчкі адразу прыходзілі да Ісуса, і добрая навіна распаўсюдзілася па ўсім рэгіёне за ўсяго толькі некалькі гадоў (Дзеі 9:32–35, 19:10).

Божая сіла дзеяла празь іх гэтак моцна, што яны мусілі пераконваць людзей, што яны не былі багамі (Дзеі 10:25–26, 14:8–18) - задумайся пра тое на сэкунду. Іхняе праслаўленьне было гэтакім моцным, што трэслася зямля (Дзеі 4:31). У выніку ўсяго гэтага яны мелі рэпутацыю людзей, якія перавярнулі сьвет да гары нагамі (Дзеі 17:6).

Што павінна сапраўды прымусіць нас задумацца, дык гэта тое, што Бог ясна сказаў у Сваім Слове, што хрысьціяне апошніх дзён зробяць нават больш за тое, што зрабілі гэтыя першыя вернікі. Пытаньне ў тым, чаму мы ня бачым тыя вялікія дзеі, абяцаныя Богам?

Думаю, што як той Супэрмэн меў крыптаніт, царква - грамада індывідуўмаў, якія ідуць за Хрыстом, - таксама яго мае.

Крыптаніт быў рэчывам з роднае плянэты Супэрмэна. Набліжаючыся да яго, ён страчваў свае супэрсілы й рабіўся слабым - нават слабейшым за простага чалавека. Калі мы зірнем на сучасную царкву - са сьвецкім (альбо вышэйшым за сьвецкі) ўзроўнем разводу, выкарыстаньня парнаграфіі ды сэксуальнай амаральнасьці, дык стане зразумела, што сярод нас ёсьць нейкі крыптаніт.

Сучасны стан царквы, які, здаецца, гэтак ясна супярэчыць Божым намерам і мэтам на нашае жыцьцё, павінен расчараваць цябе.

У гэтым пляне чытаньня мы даведаемся, што гэта за крыптаніт і як ад яго пазбавіцца, але спачатку нам трэба ўбачыць уласны патэнцыял і паверыць у яго, бо ў цябе ня будзе ахвоты рэалізоўваць патэнцыял, пра які нічога ня ведаеш.

Што ты можаш зрабіць зараз, каб убачыць твой патэнцыял?