Ворагі сэрцаУзор

Эндзі Стэнлі: Ворагі сэрца

Дзень 4

"Асьцерагайся хцівасьці"

Урывак зь Бібліі: Лукаша 12:13-21

Трэці вораг сэрца? Хцівасьць. Гэта калі мы думаем, што заслугоўваем болей ды болей зямнога багацьця і рэчаў. Хцівасьць кажа: "Я заслугоўваю."

Ісус сказаў: "Глядзеце, сьцеражэцеся хцівасьці." Чаму? Бо з чатырох сардэчных хваробаў, якія мы тут абмяркоўваем, заўважыць хцівасьць найцяжэй за астатнія. Хцівасьць пасяляецца ў нашым сэрцы і незаўважна жыве там гадамі. Сэрца, якое не ахоўваюць, зьяўляецца найбольш уражлівым да гэтае хваробы, якая робіць яго надта кволым. Яе цяжка дыягназаваць, асабліва самастойна.

Ісус потым раскрыў хлусьню, якая жывіць хцівасьць: "Жыцьцё чалавека ня ў мностве маёмасьці ягонай." Хіба ня ўсе ведаюць тое? Ці людзі сапраўды лічаць, што іхняе жыцьцё залежыць ад таго, што яны маюць? Адказ - і так, і не. Не, ня ўсе тое ведаюць. І так, ёсьць людзі, якія думаюць, што жыцьцё - гэта больш ці менш сума тваіх маёмасьцяў. І сёньня ў гэта вераць нашмат болей людзей, чым мы сабе ўяўляем.

Пасьля таго, як Ісус расказаў ім адну прыповесьць, Ён даў гэтакае азначэньне хцівага чалавека: той, хто зьбірае скарбы для сябе, і не багацее ў Бога. "Багацець у Бога" - па-ісусаваму значыць быць шчодрым з тымі, хто ў нястачы. Хцівы чалавек - гэта чалавек, які шмат ашчаджае, але мала дае.

Шчодрае ахвяраваньне выдаліць хцівасьць з твайго жыцьця. Незалежна ад таго, колькі ты маеш, ахвяруй і ахвяруй шчодра. Трэба ахвяраваць так, каб яно прымушала цябе зьмяняць твой лад жыцьця. Калі ты ня хочаш даваць так, каб тое прымушала цябе зьмяняць твой лад жыцьця, дык згодна з вучэньнямі Ісуса, ты хцівы. Калі ты спажываеш гэтак шмат, што ў цябе застаецца мала або нічога на ахвяраваньне, ты хцівы. Калі ты спажываеш і ашчаджаеш так, што ў цябе застаецца мала або нічога на ахвяраваньне, ты хцівы.

Непрыемныя словы, я ведаю. Нават суровыя.

Але ж гэта праўда.

Вызваліся з путаў хцівасьці праз звычку ахвяраваць шчодра. Гэтая звычка можа зьмяніць усё.

Ацані тваю шчодрасьць за апошнія дванаццаць месяцаў. Што тое кажа пра тваё сэрца? Памаліся аб тым, як ты можаш перайсьці на новы ўзровень шчодрасьці ў наступныя дванаццаць месяцаў.