Ворагі сэрцаУзор

Эндзі Стэнлі: Ворагі сэрца

Дзень 2

"Прызнай сваю віну"

Урывак зь Бібліі: 1 Яна 1:5-10

Першы вораг сэрца - гэта пачуцьцё віны. Пачуцьцё віны зьяўляецца тады, калі мы робім нешта такое, што падаецца нам няправільным. Сэрца, поўнае віны, кажа: "Я вінаваты!"

Уяві сабе мужчыну, які ўцёк зь нейкай іншай жанчынай, пакінуўшы сваю сям'ю. Хоць ён тады і не зразумеў гэтага, але ён скраў нешта ў кожнага члена сваёй сям'і. Ён пазбавіў сваю жонку ейнае будучыні, ейнага грашовага забесьпячэньня, ейную рэпутацыю. З пункту гледжаньня дзяцей, ён скраў у іх Раство, традыцыі, эмацыйнае і грашовае забесьпячэньне, вячэры разам зь сям'ёю, і гэтак далей.

Мужчына, які ўчыніў усё тое, ня думае, што ён нешта скраў. Спачатку ён думае, што ён нешта набыў. Але калі ягоная малая дачка ўпершыню пытаецца, чаму ён больш не кахае матулю, ягонае сэрца замірае. Цяпер ён адчувае сябе вінаватым. Тата вінаваты.

Нічога, акрамя аплаты гэтага доўгу, ня вызваліць вінаватае сэрца ад цяжару віны. Людзі спрабуюць адпрацаваць яго, адахвяраваць яго, нават адмаліць яго. Але аніякая колькасьць добрых учынкаў, служэньня, ахвяраваньняў або паходаў у царкву можа скасаваць віну. Гэта доўг. І дзеля таго, каб вінаватае сэрца змагло зазнаць палёгку, гэны доўг трэба аплаціць або ануляваць.

Дык як ануляваць сваю віну? Адказ знаходзіцца ў адным зь першых вершаў, што я вывучыў на памяць у маленстве - 1 Яна 1:9. "Калі прызнаем грахі нашыя, то Ён верны і праведны, каб дараваць нам грахі і ачысьціць нас ад усякае няправеднасьці."

Прызнаньне віны мае сілу спыніць грэх. Як бальшыня лекаў, гэта працуе выключна пры правільным тарнаваньні - калі мы вызнаем нашыя грахі ня толькі Богу, але і людзям, супраць якіх мы зграшылі.

Звычайна, вінаватыя людзі чыняць грэх шматразова. Калі ў цябе ёсьць сакрэт, калі ты спрабуеш ачысьціць сумленьне, просячы прабачэньня толькі ў Бога, дык ты, напэўна, паўторыш сваю памылку зноў. Аднак калі ты пачнеш прызнавацца ў грахах людзям, якіх крыўдзіш, ёсьць шанцы, што ты ніколі зноў ня ўчыніш гэтых грахоў.

Прызнаўшыся ў грахах як Богу, так і людзям, ты пераможаш гэтага ворага твайго сэрца.

За што ты адчуваеш сябе вінаватым? Прызнайся Богу і тым, каго ты пакрыўдзіў. Зрабі тое сёньня.