Бог яшчэ не закончыў.

Бог не памёр, і Ён яшчэ не закончыў сваю справу! Магчыма, што вы адчуваеце, нібы вашае жыцьцё — гэта няскончаны малюнак, нейкая блытаніна са згубленымі кавалкамі.

Але Бог жадае, каб вы ведалі, што нягледзячы на тое, што вы таго ня бачыце, Ён усё яшчэ дзее. Ён усё яшчэ зьдзяйсьняе Сваю творчую ды надзвычайную працу ў вашым жыцьці ды ў жыцьці тых, каго вы любіце. Тое, што вы дагэтуль ня бачыце ўвесь малюнак, не азначае, што ён ня будзе шэдэўрам. Піліпянаў 1:6 гаворыць пра няскончаную справу Бога і вучыць нас мець пэўнасьць у тым, што Той, Які пачаў добрую справу, завершыць яе. Дык будзьце ўпэўненыя: Бог усё яшчэ актыўна дзее ў вашым жыцьці.

Нішто і ніхто ня можа спыніць Божую ласку! Нават калі вы адчуваеце, што вашае жыцьцё зьяўляецца блытанінай, Бог можа выкарыстаць тую блытаніну, каб дабраславіць людзей навокал вас.

У Яго ёсьць болей дзеля вас — болей ласкі, болей дабраславеньняў і болей добрых рэчаў!

Паразважайце: Як веданьне таго, што Бог яшчэ ня скончыў дзеяць у вашым жыцьці, дае вам надзею?

ПАМАЛЕЦЕСЯ:Божа, дзякую, што Ты пачаў Сваю добрую справу ўва мне і што Ты паабяцаў завершыць яе. Твая ласка ліецца ў маё жыцьцё, і я прашу, каб Ты дапамог мне ведаць, калі яна ліецца дзеля дапамогі іншым людзям. Дай мне магчымасьць падбадзёрыць некага на гэтым тыдні. У імя Ісуса малюся. Амін.