Умацаваныя ў дабрыні

Вы напэўна калісь чулі наступнае: Жыцьцё — цяжкае, а Бог — добры. Гэтае выказваньне — ня проста зьбітая фраза; гэта глыбокая ды бясспрэчная праўда. Шмат якія неверагодна разумныя людзі маюць цяжкасьці з такімі пытаньнямі, як: “Калі Бог добры, то чаму такое здараецца?”, “Чаму Ён дазваляе несправядлівасьць, і чаму жыцьцё часам такое цяжкае?” Усе тыя вельмі разумныя людзі зрабілі выснову, што жыцьцё — цяжкае і што Бог адначасова зьяўляецца добрым. Адно не выключае другога. Гэта называецца “тэадыцыя”.

Бальшыня людзей мяркуе, што калі жыцьцё — цяжкае, то Бог ня можа быць добрым, але тое ня ёсьць праўдай. Гэта не або-або. Некалькі гадоў таму я вырашыў, што калі я не магу знайсьці адказу на частку “чаму?” пытаньня “Калі Бог добры, то чаму…?, то я наогул выдалю зь яго “калі”. Інакш кажучы, я абраў верыць, што Бог зьяўляецца добрым…што б ні было.

Вы таксама можаце ўмацавацца ў Божай дабрыні.

Пачнеце заўважаць Божую дабрыню, нягледзячы на абставіны. Калі дзьверы адное магчымасьці зачыняюцца, то магчыма, што Бог заплянаваў нешта нашмат лепшае дзеля нас, і мы мусім пайсьці іншым шляхам, каб Ягоны плян зьдзейсьніўся. Гэта здарылася ў маім жыцьці столькі разоў, што цяпер я папросту на тое разьлічваю. Калі нешта не атрымліваецца так, як я хацеў бы, то я нагадваю сабе пра тое, што Ён зрабіў у мінулым, і пачынаю чакаць наступнае нагоды, якая адкрые мне Божы плян у працэсе.

Быць умацаваным у дабрыні Бога часам можа падацца нерацыянальнай рэччу. Але мы павінны ўпарта і няўмольна не дазваляць жыцьцёвым цяжкасьцям паменшыць велічыню нашага Бога.

Паразважайце: Як вы можаце нагадаць сабе заўважаць Божую дабрыню, нягледзячы на абставіны?

ПАМАЛЕЦЕСЯ: Божа, дзякую, што Ты дапамагаеш мне ўмацавацца ў Тваёй дабрыні. Дай мне сілы пакінуць сумнявацца й пачаць заўважаць Тваю ласку ў кожнай сытуацыі. У імя Ісуса малюся. Амін.