Робячыся добрым шукальнікам

Калі мы імкнемся да Божай дабрыні штодзень, то гэта дапамагае нам разьлічваць на тое, што добрыя рэчы абавязкова прыйдуць у нашае жыцьцё. Божая дабрыня не хаваецца ад нас, і Ягоная ласка не паказваецца толькі на кароткі час…мы папросту павінны шукаць іх, каб знайсьці. Мы не заўсёды сьведамыя Божае ласкі, і менавіта з гэтае прычыны апостал Павал маліўся аб сваіх сябрах, каб яны тое зразумелі.

Павал напісаў царкве ў Эфэсе, што ён моліцца, каб Бог “прасьветліў вочы [іхняга] сэрца.” Факт у тым, што дабрыня абкружае нас. Калі я пачынаю шукаць добрае ў маім жыцьці, то я разумею, што яно знаходзіцца ўсюды, нават у самых непраўдападобных месцах. Часам, калі Божай дабрыні амаль ня бачна, яна дзейнічае на нашую карысьць найлепш. Навучэцеся бачыць добрае ды назірайце, як яно ўвесь час зьяўляецца.

Вы можаце прыцягнуць Божую дабрыню вашым стаўленьнем ды мэнталітэтам, і гэтак жа вы можаце адсунуць яе ад сябе.Божая дабрыня аднолькавая для ўсіх, але тое ня значыць, што яна зьяўляецца сумяшчальнай з усякім стаўленьнем ды мэнталітэтам.Калі мы абіраем шукаць Божае дабрыні ды ласкі, то Ён абавязкова дасьць нам іх.

Паразважайце: Як вы можаце пачаць перапраграмоўваць ваш розум, каб ён засяроджваўся на добрых рэчах?

ПАМАЛЕЦЕСЯ: Божа, дзякую, што Ты даў мне здольнасьць перавучыць мой розум, каб я мог лепей бачыць добрае ў маім жыцьці. Я хачу зрабіцца добрым шукальнікам, каб я мог штодзённа разьлічваць на большую колькасьць Тваёй дабрыні. У імя Ісуса малюся. Амін.