Бяз Бога няма дабрыні.

Некаторыя людзі думаюць, што Бог заўсёды раззлаваны, і што Ягоная ласка толькі на хвіліну, але ж Біблія вучыць нас адваротнаму! Вы заўсёды зьяўляецеся Ягоным улюбёнцам, нават калі вы так сябе не адчуваеце.

Бог ужо забыўся на той дрэнны ўчынак, які вы зрабілі былі, або на тыя брыдкія словы, якія вы сказалі былі. Магчыма, што Ён раззлаваўся або расчараваўся ў той момант, але ж Ён ужо на тое даўно забыўся. А вы? Вы не павінны непакоіцца, што праз вашую няўдачу Бог перастане вас любіць.

Божая дабрыня працягваецца і ніколі не вычэрпваецца. Ягоная ласка заўсёды навокал нас, у нас і з намі; яна назаўжды!

У сапраўднасьці, дабрыня не існуе бяз Бога; яна не стварылася самастойна або асобна ад Яго. І безумоўна, яна не зьявілася, дзякуючы людзкім істотам. (Чаму вы мусіце навучаць вашых дзяцей — злому ці добраму?)

Бог зьяўляецца крыніцай усёй дабрыні ды ўсіх добрых рэчаў. Некаторыя людзі ўсё яшчэ аддзяляюць добрае ад Бога, і тое нішчыць патрэбу чалавецтва дзякаваць, шанаваць ды славіць Яго.

Гэты плян дапаможа вам навучыцца бачыць нябачную дабрыню Бога і пачаць разумець, як Ягоная ласка выглядае ў вашым штодзённым жыцьці. У наступныя пяць дзён вы пачняце бачыць сваё жыцьцё празь лінзу Божае ласкі.

Паразважайце: Якія добрыя рэчы ёсьць у вашым жыцьці, якія лёгка не заўважыць?

ПАМАЛЕЦЕСЯ:Божа, дзякую за Тваю прысутнасьць у маім жыцьці. Адкрый мае вочы, каб я пачаў бачыць, што менавіта Ты зьяўляесься крыніцай усяго добрага, і што Ты праяўляеш да мяне Тваю ласку штодзённа. У імя Ісуса малюся. Амін.