Сямейныя прывілеі

Божая дабрыня цячэ ў нашае жыцьцё гэтак жа натуральна, як і бацькоўская дабрыня цячэ ў жыцьцё дзяцей. (І Ён – найлепшы бацька, якога вы толькі можаце сабе ўявіць.) Бог любіць вас. Ён лічыць вас сваім дзіцём, і гэта робіць вас роднасным атрымальнікам Ягонага дабраславеньня.

Пакіньце адчуваць, што вам трэба перапрашаць людзей або ўзаконьваць Божую дабрыню для тых, хто не разумее яе альбо не пагаджаецца зь ёю. Заўжды знойдуцца тыя, хто будуць крытыкаваць ваш посьпех або ігнараваць вашае своечасовае дабраславеньне, бо яны думаюць, што нехта іншы заслугоўвае тое больш, чым вы. У сапраўднасьці, калі вы самі некалі адчувалі, што вы не заслугоўвалі дабраславеньня, якое атрымалі (з кім не здаралася…), вы, пэўна, мелі рацыю! Але ж вось вам момант ісьціны: мы ня можам абурацца, бачачы незаслужаную дабрыню ў жыцьці іншых, калі мы самі зьбіраемся прыняць яе ў нашае жыцьцё.

Калі мы пачынаем разумець, што дабрыня – гэта выказаньне Божае ласкі, то мы робімся здольнымі разумець, што дабрыня, якую мы атрымліваем – гэтаксама як ласка – зьяўляецца непрапарцыйнай таму, чаго мы заслугоўваем.

Паразважайце: Прывядзеце прыклады з вашага жыцьця, калі вы атрымалі нечаканае або незаслужанае дабраславеньне.

ПАМАЛЕЦЕСЯ: Божа, дзякую, што Ты мой Бацька. Якім бы ня быў мой зямны бацька, Ты – шчодры Тата, і ў Цябе ёсьць бясконцыя дабраславеньні для мяне. Навучы мяне прымаць сямейныя прывілеі, якія Ты даеш мне як Свайму дзіцяці. У імя Ісуса малюся. Амін.