Я не баюся: Як хрысьціяне могуць рэагаваць на крызісУзор

Мы выпраменьваем сьвятло; мы не хаваем яго.

Падчас крызісных абставінаў, мы часта разумеем, што паніка - заразная. Але добрая навіна заключаецца ў тым, што Ісус - нашмат больш заразны за ўсякі хаос, што стаіць перад намі. Дык як жа мы, будучы царквою, рэагуем на хаос?

Мы выпраменьваем сьвятло; мы не хаваем яго. Прачытай гэтыя словы ад Ісуса:

“Вы — сьвятло сьвету. Ня можа схавацца горад, які стаіць на вяршыні гары. Ніхто не запальвае сьвечку, каб паставіць яе пад пасудзінай, але на сьвечніку, і яна сьвеціць усім, хто ў доме. Гэтак няхай сьвятло вашае сьвеціць перад людзьмі, каб яны бачылі вашыя добрыя справы і славілі Бацьку вашага, Які ў небе.” Мацьвея 5:14-16

Калі ў сьвеце цямнее, то мы выпраменьваем сьвятло. Мы не хаваемся. Мы выкарыстоўваем усякую і кожную магчымасьць асьвятліць цёмныя месцы сьвятлом Божае любові. Як мы можам рабіць тое ў крызісных абставінах?

Мы можам дапамагаць нашым суседзям. Мы можам шчодра ахвяраваць нашай царкве ды іншым арганізацыям, якія робяць нешта дзеля нашае супольнасьці ды дапамагаюць тым, каго закранула бяда. Мы можам служыць іншым, карміць людзей, дзяліцца нашымі запасамі ды рабіць тысячы іншых рэчаў.


Бо справа вось у чым: хадзіць за Ісусам - гэта ня проста нешта такое, што мы робім раз на тыдзень, калі выбіраемся ў царкву. Хадзіць за Ісусам - гэта радыкальнае, штодзённае рашэньне памерці для сябе і паставіць на першае месца Бога ды іншых людзей.

У часы няшчасьця, людзі як ніколі раней пачынаюць шукаць адказаў. Людзі шукаюць надзеі.

Будзьма людзьмі, якія ня проста кажуць, што яны любяць іншых - будзьма людзьмі, якія сапраўды любяць іншых. Хай мы будзем вядомымі ня толькі за служэньне раз на тыдзень. Хай мы будзем вядомымі за тое, што дбаем пра патрэбы, прапануем надзею ды выпраменьваем сьвятло ў цемру.

Што мы робім падчас крызісу? Мы выпраменьваем сьвятло; мы не хаваем яго.

Памаліся: Госпадзе, Ты даў мне гэтак шмат усяго. Дапамажы мне дзяліцца Тваёю любоўю зь іншымі. Дапамажы мне мець веру ня толькі раз на тыдзень. Пакажы мне, што азначае служыць Табе штодня. Пакажы мне магчымасьці быць Тваім сьвятлом для іншых. Дапамажы мне дзяліцца Тваёю любоўю ды надзеяю з тымі, хто шукае адказаў. У імя Ісуса, амэн.