Я не баюся: Як хрысьціяне могуць рэагаваць на крызісУзор

Мы самаадданыя, а не сябелюбныя.

Падчас пандэміяў, прыродных бедзтваў ды іншых крызісаў, нам характэрна хацець назапасіць усяго й думаць пра сябе ў першую чаргу. У той час, як няма нічога дрэнна ў тым, каб абараняць сябе і забясьпечваць сябе ды сваю сям’ю, мы як пасьлядоўнікі Ісуса мусім быць самаадданымі, а не сябелюбнымі.

Паглядзі, што Павал напісаў пра гэта:

“Нічога ня робячы дзеля сварлівасьці ці дзеля пустое пахвальбы, але ў пакоры розуму шануючы адзін аднога як вышэйшых за сябе. Не на сваё толькі няхай кожны зважае, але й на тое, што іншых. Бо няхай тое ў вас думаецца, што і ў Хрысьце Ісусе.” Піліпянаў 2:3-5

Калі мы кажам, што ідзем за Ісусам, але нашае жыцьцё ня ёсьць падобным да Ісусава, дык мы павінны спытаць самі ў сябе, ці сапраўды ідзем за Ісусам.

Падчас крызісу, шмат якія людзі стануць сябелюбнымі. Яны зробяць запасы прадуктаў, схаваюцца, зьберагуць свае рэсурсы. Няма нічога дрэннага ў тым, каб быць падрыхтаваным, але ў целе Хрыста мы ў першую чаргу дбаем пра іншых людзей.

Мудра нарыхтоўваць і эгаістычна назапашваць - дзьве розныя рэчы. Калі ў тваёй ваколіцы пандэмія або крытычнае становішча, ты, вядома, мусіш трымацца інструкцыяў уладаў ды службоўцаў міністэрства здароўя. Вядома, ты мусіш слухацца мудрых парадаў і падрыхтаваць сябе і сям’ю. Але мы ня можам служыць сабе за кошт іншых асобаў.

Прыгадай першую царкву. Ейныя людзі бесьперапынна зьбіраліся разам. Яны прадавалі маёмасьці ды асабістыя рэчы, каб падбаць пра патрэбы свае грамады. Царкоўны будынак ня меў значэньня. Людзі мелі значэньне.

Мы зьяўляемся Ісусавымі пасьлядоўнікамі, і з гэтае прычыны мы зьяўляемся царквою. Нягледзячы на тое, што адбываецца навокал нас, мы павінны быць узорам нерацыянальнае шчодрасьці. Мы павінны быць царквою ды любіць людзей навокал нас так, як Ісус зрабіў бы тое.

Мы дзелімся з тымі, хто ў нястачы. Мы заўсёды гатовыя рабіць дабро. Мы думаем аб іншых сьпярша, а потым пра сябе.

Ісус ня быў сябелюбным. Ён быў самаадданым. Ён даў Сваё жыцьцё, каб мы маглі атрымаць жыцьцё. Будучы Ягонымі пасьлядоўнікамі, мы павінны быць прыкладам, будучы самаадданымі, а не сябелюбнымі - асабліва ў крызісных абставінах.


Памаліся: Божа, дзякую, што Ты паслаў Ісуса як дасканалую ахвяру за нашыя грахі. Дапамажы мне трымацца таго прыкладу, жывучы самааддана, а не эгаістычна. Госпадзе, пакажы мне магчымасьці служыць іншым і дзяліцца Тваёю любоўю. У Ісусава імя, амэн.