Я не баюся: Як хрысьціяне могуць рэагаваць на крызісУзор

Мы жывем вераю, а ня страхам.

Мы жывем у часы, калі няма недахопу інфармацыі. І гэта надзвычай цудоўна! Асабліва ў часы няшчасьця, бо мець магчымасьць абменьвацца інфармацыяй хутка, дзейнічаць імкліва ды ведаць пра сусьветныя падзеі, што адбываюцца цяперака, - гэта цудоўна. Але калі мы спажываем зашмат інфармацыі - асабліва ў ізаляцыі - то можам адчуць трывогу, ашаламленьне ды адзіноту.

У сьвеце, дзе кожную гадзіну зьяўляюцца новыя загалоўкі, лёгка пачаць жыць у страху. Але як пасьлядоўнікі Ісуса мы мусім жыць вераю - і ня жыць у страху.

Павал нагадвае нам пра гэта ў 2 Цімоха:

“Бо даў нам Бог ня духа палахлівасьці, але сілы, і любові, і цьвярозага мысьленьня.” 2 Цімоха 1:7

Страх, які мы часта адчуваем, ня ёсьць ад Бога. Як толькі мы пачынаем баяцца, мы можам маліцца. Гэта не азначае, што мы ніколі ня будзем адчуваць страх. Насамрэч, страх часта можа заахвоціць нас зрабіць тое, што трэба зрабіць, абмінуць небясьпеку, або прыняць мудрыя рашэньні. Але мы не павінны дазваляць пачуцьцю страху перамагчы нашую веру ў Бога.

Як мы можам зрабіць тое, калі нас бесьперапынна атакуюць апавяшчэньні пра наступнае вялікае няшчасьце?

Вось што сказаў Ісус:

“Супакой пакідаю вам, супакой Мой даю вам; ня так, як сьвет дае, Я даю вам. Няхай не трывожыцца сэрца вашае і не палохаецца.” Яна 14:27

Ісус не сказаў нам не палохацца, бо мы заўсёды атрымаем вынік, які просім. Заміж таго, Ён абяцае супакой, бо мы маем доступ да Ягонае прысутнасьці. Ісус кажа, што супакой - гэта падарунак. Тое азначае, што Ісус прапануе нам бясплатны супакой штодзень, штомомант. Мы ўсяго толькі мусім прыняць яго. Атрымаць яго. Бесьперапынна ісьці да Бога ды прасіць Ягонага супакою ў жыцьцёвых праблемах.

Дык што хрысьціяне могуць рабіць, калі перад імі стаяць невядомыя беды? Мы можам памятаць, што мы жывем вераю. Мы не жывем у страху.

Памаліся: Божа, мяне вельмі турбуе ________. Я ня ведаю, што здарыцца, але я ведаю, што яно не застане Цябе зьнянацку, і што ўсё мне дапамагае на дабро, бо я люблю Цябе. Божа, дапамажы мне давяраць Табе больш. Павяліч маю веру, Госпадзе. Дай мне супакой. Дзякую, што Ты супакойваеш наш розум, нягледзячы на тое, што адбываецца навокал. У імя Ісуса, амэн.