Дык вось, што азначае жыць!

Бог мае мару для гэтага сьвету, і Ён запрашае вас ўдзельнічаць у ёй. Гэтай мары немагчыма супраціўляцца, і яна была ў Бога адвечна. Гэтая мара датычыцца вашага жыцьця, вашай царквы і наоўгул усяго сьвету.

Бог марыць, каб вы жылі кожную сэкунду вашага існаваньня з упэўненасьцю, што Ён няспынна і моцна любіць вас. Бог марыць, каб вы дабраахвотна рызыкавалі любіць іншых людзей, таму што вы ведаеце, што Ён рызыкнуў усім у Сваёй любові да вас.

Менавіта таму, апошняе абуджэньне на вашым шляху вяртаньня да Бога — гэта “абуджэньне да жыцьця”. Калі мы сапраўды абуджаемся да новага жыцьця, якое Бог дае нам у Сваім доме, мы пачынаем бачыць сваю будучыню зусім у іншым сьвятле. Мы ўсклікаем: “Дык вось, што азначае жыць!”, але мы адначасова разумеем, што “жыць” цяпер азначае нешта адрознае. Яно азначае жыцьцё лепшае, больш поўнае і значнае ў параўнаньні з колішнім.

Вашае новае хаджэньне з Ісусам, якое будзе доўжыцца ўсё жыцьцё — гэта падарожжа, у якім вы ніколі ня будзеце падарожнічаць самі па сабе. Вам ніколі больш ня прыйдзецца жыць асобна ад вашага нябеснага Айца. Калі вы заўважаеце, што пачынаеце адчуваць сябе самаўпэўненым, калі пачынаеце шукаць нейкія танныя замены, ці думаць, што вы самі маеце адказы на ўсе пытаньні…вы ведаеце, што рабіць.

Вяртайцеся да сапраўднага жыцьця! Шлях да яго вы ведаеце, і дом — гэта заўсёды вашае месца.

Будзьце падрыхтаваныя да таго, што тыя гады, якія чакаюць вас наперадзе, будуць вельмі адрозныя ад усяго таго, што вы думалі, калі вы разьвярнуліся і пайшлі ў напрамку да Бога. Абуджэньне да жыцьця нясе ў сабе неспадзяваныя магчымасьці ды ўплыў. Як тое магчыма? Тое магчыма, бо Хрыстос жыве ў вас, і гэта мяняе абсалютна ўсё. Цяпер вы можаце дзяліцца надзеяй там, дзе ёсьць безнадзейнасьць. Цяпер вы можаце паказваць вязьням шлях да свабоды. Цяпер вы можаце быць сьвятлом у цемры.

І вось гэта значыць жыць!

Знайдзіце сваё месца ў царкве сярод іншых удзячных сыноў ды дачок Айца. Наладжвайце сувязі, вучыцеся ды працуйце разам зь імі, каб прынесьці зьмены ў сем'і, дамы, школы, месцы працы і сяброўскія колы.

Працягвайма дапамагаць іншым знайсьці шлях назад да Бога. Як раз там і адбудзецца сапраўднае сьвяткаваньне.

Узгадваючы гэты пяцідзённы плян, якое абуджэньне найбольш адгукаецца ў вашым сэрцы? Як вы думаеце, да якога наступнага кроку заклікае вас Бог?