Як хацелася б пачаць усё нанова

Наступны прарыў на нашым шляху да Бога мы называем абуджэньнем да расчараваньня. Вось вы прачынаецеся адной раніцай і разумееце, што, як бы вы не намагаліся, нішто з таго, што вы робіце, ня мае ніякага сэнсу. Вас поўняць расчараваньне ды шкадаваньне. І цяпер, калі вы глядзіце на рэчы трохі па-іншаму, вам хацелася б скарыстацца яшчэ адным шанцам. Але вы няўпэўненыя, ці вам яго дадуць.

Калі так падумаць, чаму вам яго мусяць даць наогул?

Але ж чакайце.

Кожны з нас мае гэткае перакананьне ўнутры — перакананьне, што мы паходзім ад дабра і любові, і што мы жывем, каб атрымаць яшчэ болей дабра ды любові. Калі мы апынаемся на дне і разумеем, што з гэтага жыцьця мы зрабілі толькі беспарадак, і жыцьцё з нас таксама зрабіла беспарадак, мы рэагуем на гэта жаданьнем пачаць усё нанова.

Найпрыгажэйшым ўва ўсім гэтым ёсьць тое, што вы можаце пачаць нанова. Вашае інтуітыўнае разуменьне аб паходжаньні ад дабра і любові абсалютна правільнае. Бог дазваляе вам пачаць усё нанова.

Большасьць з нас, калі мы гатовыя пачаць нанова, жадае папросту вярнуцца да жыцьця, якое мелі перад тым, як ўсё пайшло ня так. Але Бог думае па-іншаму. Ён ня толькі жадае дапамагчы нам вярнуцца да лепшага жыцьця, як мы яго сабе ўяўляем. Ён жадае, каб мы зьведалі зусім іншае жыцьцё. Калі вы вяртаецеся да Бога, мяняецца ня толькі вашае будучае, але і вашае мінулае ды цяперашняе таксама.

Ці гатовыя вы пакласьці канец бясконцаму ланцугу дзён, напоўненых болем ад вашага мінулага, бяз мэты ў цяперашнім і без упэўненасьці ў вашам будучым? Вашае падарожжа ад расчараваньня да Бога прывядзе вас да больш насычанага і аўтэнтычнага жыцьця — да такога жыцьця, якое запрашае вас пачаць нанова сёньня і жыць так, як аб гэтым адвечна марыў Бог…назаўжды.

Як вы сабе ўяўляеце павінна выглядаць вера ў тое, што Бог дазваляе вам пачаць нанова? Як бы ў такім выпадку зьмяніліся вашыя думкі пра будучыню?