Пачынаючы адносіны зь ІсусамУзор

Хто такі Бог?

Разуменьне наступных асноўных рэчаў пра Бога дапаможа вам на пачатку вашага хаджэньня за Ім. Паразмаўляйма пра чатыры ўласьцівасьці Бога:

Бог ёсьць вечны

Бог выкарыстоўвае кожнае існуючае слова, каб апісаць Сябе як Бога, які існуе па-за часам: спрадвечны, бясконцы, вечны, векавечны, назаўсёды, назаўжды, Які быў, ёсьць і прыйдзе.Бог вечны. Вечнасьць не азначае вельмі, вельмі доўгі час. Вечны значыць бестэрміновы. Гэта значыць па-за вымярэньнем часу.

Богу ўласьцівыя адносіны

Шмат дзе Біблія вучыць, што Бог існуе ў выглядзе трох асобаў разам у дасканалым адзінстве. Гэта завецца Сьвятой Тройцай. Замест таго, каб быць адзіночнай Боскай фігурай, Бог Бібліі ёсьць Богам Айцом, Богам Сынам (Ісус Хрыстос) і Сьвятым Духам. Яны зьяўляюцца трыма адрознымі асобамі, але яны жывуць і дзейнічаюць у дасканалым адзінстве.

Бог ёсьць беззаганны

Бог ня мае заганаў, і Ён ніколі не патрабуе ўдасканальваньня. У Яго няма аніякай нястачы — характару, чысьціні, ведаў, сілы або здольнасьці. Асабліва ў супрацьлегласьці да нас, Бог беззаганны маральна. Біблія кажа: “Бог ёсьць сьвятло, і няма ў Ім аніякае цемры” (1 Яна 1:5).

Бог ёсьць “усё“

Бог усеўладны, усюдыісны і ўсемагутны. Гэтыя словы адпаведна азначаюць, што Бог мае ўсю ўладу, прысутнічае ўсюды і ведае ўсё. Ён можа быць усюды адначасна, Ён мае ўладу над усім, і Ён ведае пра ўсё.

То чаму ж гэта ўсё мае значэньне?

Разуменьне Божай пазачасавасьці дае мне надзею. Ведаючы, што Богу ўласьцівыя адносіны, я магу размаўляць зь Ім. Ведаючы, што Бог беззаганны, значыць, што, нават калі я нечага не разумею, я магу давяраць Богу. І, ведаючы, што Ён ёсьць “усё“, значыць, што Ён ёсьць Той, хто мае ўладу, што Ён не пакінуў нас адных, і што ўсё злое будзе зьнішчана.

Дык хто такі Бог? Ён ёсьць Той, Хто стварыў вас, Ён ёсьць Той, Хто любіць вас больш, чым вы можаце сабе ўявіць, і Ён ёсьць Той, Хто аддаў Свайго роднага Сына, Ісуса Хрыста, на сьмерць, дзеля таго, каб мець вечныя ўзаемаадносіны з вамі.

Веданьне Бога зьмяняе тое, як мы бачым іншых людзей — мы пачынаем бачыць іх як вечныя душы, а не часовыя целы.

Веданьне Бога дапамагае нам па-іншаму перажываць цяжкасьці. Веданьне Бога значыць, што мы ніколі не павінны адчуваць, нібыта жыцьцё выходзіць з-пад кантролю. Веданьне Бога вучыць нас ціхмянасьці й адчуваньню прызначэньня. Веданьне Бога надае сэнс нашаму жыцьцю.