Пачынаючы адносіны зь ІсусамУзор

"Сапраўдны капітан"

Адным са спосабаў апісаць Ісуса зьяўляецца параўнаньне Яго з выратавальнікам на выратавальнай місіі. Калі Ісус сказаў “Я ёсьць шлях, і праўда, і жыцьцё”, Ён не сказаў: “Я ёсьць адзін са шляхоў”.

Пытаньне, якое мы задаем Яму, ёсьць падобным да пытаньняў, якія мы задаем капітану карабля ці самалёта, бо мы хочам ведаць, ці той чалавек ёсьць сапраўдны капітан: “Ці Ты сапраўды капітан (Божы Сын)?”

З часам, шмат хто з нас губляе цікаўнасьць да гэтага пытаньня. Большасьць з нас у самалёце задавальняецца спробай атрымаць крэсла з дастатковым месцам для ног. І бальшыня з нас не адносіцца да нашай сьмяротнасьці так, як мы зрабілі б тое на караблі, які тоне. Але ў абодвух прыкладах, галоўным пытаньнем ёсьць упэўненасьць у капітане.

На караблі ваш давер капітану (ці адсутнасьць даверу), мае вялікае значэньне. Гэтаксама зь Ісусам. Падчас выратавальнай місіі, ня кожны з нас скажа: “Я пайду, куды мне заўгодна”. Так, вы можаце зрабіць тое, але ж калі Ён сапраўды капітан, які ведае ўсе нюансы чалавечага жыцьця, то Ён сапраўды ведае правільны шлях.

Магчыма, пачынаючы дасьледаваць тое, што Біблія кажа пра Ісуса, вы пачынаеце пытацца: “Ці веру я ў тое, што Ён ведае шлях?”

Калі вы чытаеце гэты плян, існуе магчымасьць, што вы яшчэ не дайшлі да таго моманту, калі вы можаце адказаць “так” на гэтае пытаньне. Або, магчыма, што вы кажаце: “Так, я веру. Але, тым ня менш, маю пытаньні”. Калі гэта падобна на вашую сытуацыю, то вы на правільным шляху. Няхай пытаньні працягваюць узьнікаць. Правільныя пытаньні дапамагаюць нам разьвівацца. Сумнеў і няўпэўненасьць — гэта нармальна.

Але, скажам, вы пагаджаецеся з тым, што Ісус можа ведаць шлях. Калі гэта так, то, магчыма, вашым першым пытаньнем ёсьць наступнае: “Што мне патрэбна зрабіць, каб пачаць ісьці тым шляхам?”

І вось тут Ісус зьдзіўляе нас. Ён ня кажа “Ідзі, прытрымліваючыся вось гэтага”. Ён кажа: “Ідзі за Мною”. Капітан карабля не паказаў нам на мапу; ён паказаў нам на сябе. Гэтаксама Ісус паказвае нам на Сябе, і Ён запрашае нас аддацца Яму.