Пачынаючы адносіны зь ІсусамУзор

"Правілы супроць адносінаў"

Калі вы зробіце хуткі пошук, каб знайсьці азначэньне хрысьціянства, то вы, магчыма, знойдзеце нешта накшталт “Хрысьціянства — гэта прытрымліваньне вучэньняў Ісуса”. І гэта ёсьць праўдай — хрысьціянства сапраўды зьвязана з прытрымліваньнем вучэньняў Ісуса. Праблема ў тым, што людзі ператвараюць “прытрымліваньне Ісуса” у “прытрымліваньне правілаў”, але ж сутнасьць зусім ня ў гэтым.

Біблія выразна паказвае, што сутнасьцьс пазнаньня Ісуса ляжыць ва ўзаемаадносінах, а не ў правілах. Калі вы пачнеце дасьледваць тое, што Бог кажа пра Сябе празь Біблію, то вы ўбачыце, што знаходжаньне ў шчырых, адданых узаемаадносінах зь Ім зьяўляецца самым галоўным.

Такім чынам, казаць, што галоўнай ідэяй хрысьціянства ёсьць прытрымліваньне пунктаў вучэньня — гэта тое самае, як казаць, што галоўнай ідэяй шлюбу ёсьць дзяленьне хатніх абавязкаў. Не зусім тое, чаго мы чакаем на самой справе!

Такое супрацьпастаўленьне правілаў і адносінаў — гэта тое, што моцна адрозьнівае хрысьціянства ад іншых рэлігій. У той час, як большасьць рэлігій вучыць, што “стаць добрым” можна празь неабходныя практыкаваньні і цьвёрдыя перакананьні, хрысьціянства пачынае зь іншага.

Ужо з самага пачатку пасьлядоўнікі Ісуса не былі вядомыя за тое, што яны трымаліся правілаў ці “былі добрымі”. Адной рэччу, якая кідалася ў вочы — рэччу, якую было варта ўзгадваць — было папросту тое, што яны “былі зь Ісусам” (Дзеі 4:13). Ня тое, што яны прызнавалі Ісуса, і ня тое, што яны трымаліся Ісусавай сыстэмы паводзінаў, а менавіта тое, што яны былі “зь” Ім.

Быць зь Ісусам — вось тое, што ператварыла гэтых людзей зь (як іх называе Біблія) “някніжных і простых” у адважных і сьмелых лідэраў. Тое ж самае прапануецца і нам, калі Ісус запрашае нас у адносіны, каб “быць зь Ім”.