Пачынаючы адносіны зь ІсусамУзор

"Прапанова"

Адным з уражваючых аспэктаў хрысьціянскай веры ёсьць тое, што адносіны зь Ісусам падаюцца ў якасьці прапановы. Іх ніколі не навязваюць сілаю.

Аднойчы, нейкі малады чалавек падбег да Ісуса і запытаўся, што яму неабходна было “зрабіць”, каб успадкаеміць вечнае жыцьцё (Марка 10:17–22). Ісус, як Ён заўжды тое рабіў, накіраваў размову так, каб даць гэтаму маладому чалавеку магчымасьць ясна пабачыць сябе.

Такім чынам, Ісус нават нічога й не запытаўся ў гэтага сур’ёзнага хлапца. Ён папросту пачаў пералічваць габрэйскія запаведзі, і малады чалавек адказваў: “Так, так, усё гэта я захаваў!” Але найцікавейшым было тое, што адбылося пасьля гэтага. Марка 10:21 кажа: “Ісус жа, паглядзеўшы на яго, узьлюбіў яго.”

Ісус паглядзеў. Ён не прамовіў казань. Ён не паказаў пальцам. Ён паглядзеў проста на гэтага маладога чалавека, і накіраваў усю Сваю ўвагу на яго, запрашаючы распачаць узаемаадносіны.

Ісус палюбіў. Любоў пачалася менавіта з таго погляду. Яна не пачалася таму, што малады чалавек строга прытрымліваўся ўсіх правілаў і рабіў уражваючыя ўчынкі. Ісус паглядзеў і палюбіў яго папросту за тое, што ён быў сабой.

Зразумела, што маладому чалавеку вельмі падабалася ідэя аб Ісусе, і ён хацеў зрабіць правільны выбар. Але, калі Ісус прапанаваў узаемаадносіны, Ён зрабіў тое, маючы на ўвазе поўную адданасьць: “Ідзі, прадай маёмасьць тваю і раздай убогім, і будзеш мець скарб у небе, і прыходзь, ідзі за Мною.”(Мацьвея 19:21)

Калі Ісус паглядзеў і палюбіў гэтага чалавека, Ён дакладна ведаў, што Ён мусіў у яго запытацца, каб паказаць яму, што было ў ягоным сэрцы. Падняўшы пытаньне аб маёмасьці, Ісус патрапіў як у самае сэрца гэтага чалавека.

Гэтак Ісус паглядзеў на яго, палюбіў яго і даў яму выбар распачаць узаемаадносіны. Тым ня менш, ён адыйшоў. Вось як раз тут Бог і зьдзіўляе. Бог мае ўсю ўладу ў адносінах з кожным з нас, але, на дзіва, Ён пакідае нам свабоду адказаць Яму “так” або “не”.

Людзі часам кажуць: “Калі Бог жадае, каб кожны з нас меў узаемаадносіны зь Ім, чаму Ён папросту не запраграмаваў нас так, каб мы іх мелі?” Але ж любоў немагчыма запраграмаваць. Калі б нас прымушалі казаць “так” Ісусу, і калі б нам навязвалі хрысьціянства сілай, тое пярэчыла б cутнасьці Божага характару і асноўнай тэме хрысьціянства — якой, галоўным чынам, зьяўляецца Ісусава прапанова, заснаваная на любові, найчысьцейшай форме любові.