Пачынаючы адносіны зь ІсусамУзор

“Новая тоеснасьць”

Ісус дае нам права стаць Божымі дзецьмі, і неверагодная навіна заключаецца ў тым, што празь Ісуса, Бог цяпер кажа пра нас тое ж самае, што Ён сказаў пра Ісуса. Ці вы гатовыя даведацца, што гэта? Вось яно: “І голас быў зь нябёсаў: “Ты Сын Мой Любасны, Якога Я ўпадабаў”.

Празь Ісуса, Бог кажа пра вас тое ж самае, што Ён сказаў пра Ісуса. У гэтым адным сьцьверджаньні Бог дае нам неверагодны запас упэўненасьці, каб задаволіць дэфіцыт тоеснасьці, які кожны з нас адчувае. Той дэфіцыт праяўляецца ў глыбокай праге да прыналежнасьці, любові й ухваленьня. Заўважце тры адрозныя кампанэнты ў гэтым сьцьверджаньні абяцаньня:

1. Ты Мой сын...

Калі Бог кажа: “Ты Мой сын”, то Ён атаясамлівае Сябе з намі. Ён кажа, што Ён жадае быць зьвязаным з намі, што мы разам.

Першы пункт гэтай новай тоеснасьці заключаецца ў тым, што мы — людзі, зь якімі Богу падабаецца быць зьвязаным. Ён кажа: “Так, вось Мая дачка; вунь Мой сын.” Калі мы становімся Ягонымі дзецьмі, то Ён ніколі не адмяжоўваецца ад нас. Як прыемна ведаць, што Ён гэткі добры, нягледзячы на нашыя часам нядобрыя паводзіны!

2. Сын Мой Любасны…

Часам, у сямейных адносінах, мы не заўсёды маем сымпатыю адзін да аднога, ня кажучы ўжо пра любоў. Калі ў вашай сям’і ёсьць чалец, што вам недаспадобы, то вы, пэўна, разважаеце: “Так, я мушу прызнаць, што ён мой брат, але ён мне не падабаецца.”

Але Бог так не разважае. Ён ня толькі кажа: “Так, гэта мой сын”, але Ён таксама заяўляе: “Я люблю гэтага сына. Я адчуваю прыхільнасьць да Яго. Маё сэрца ёсьць зь ім і дзеля яго.”

3. Якога Я ўпадабаў.

Бог завяршае гэтае сьцьверджаньне абяцаньня, дадаючы “Якога Я ўпадабаў.” Бог, які прызначыў зоркам іхныя месцы, кажа, што Ён ганарыцца вамі. Ня нейкай іншай асобай, а менавіта вамі.

У той час, як мы расьцем у разуменьні глыбіні Божага сэрца да нас, гэтыя сьцьверджаньні паступова пачнуць напаўняць тыя месцы нашай душы, дзе ёсьць дэфіцыт тоеснасьці. Тое, да чаго мы імкнуліся, каб знайсьці ўпэўненасьць, каб быць уплывовымі, каб адчуваць сябе ўплывовымі, каб намі захапляліся і каб пра нас добра думалі, — мы цяпер знайшлі. І яно не ад людзей, не ад матэрыяльных рэчаў, якія не напаўняюць нашыя сэрцы, не ад тытулаў або рангаў…але ад Бога.