У пагоні за морквайУзор

У пагоні за Богам

Куды ты йдзеш?

Нягледзячы на тое, куды йдзеш, карысна ведаць тваё месца прызначэньня.

Аднак праблема з навакольным сьветам заключаецца ў тым, што нас безупынна атакуюць рэчы, якія мы павінны рабіць. Мы павінны гнацца за славаю ды ўхваленьнем, ды ўсім іншым. Навокал гэтак шмат месцаў прызначэньня, што ня дзіва, што шмат хто з нас разгублена шукае кірунку.

Калі б мы маглі ісьці толькі ў адным напрамку, куды б мы пайшлі?

Габрэяў 12:1-3 тлумачыць. Мы павінны глядзець на Ісуса. Калі мы бяжым да Яго, дык мы атрымліваем ня толькі Яго, але і ўсё іншае, у чым маем патрэбу. Ён заплаціў за наш грэх. Ён гарантуе нам вечнае жыцьцё. Ён забясьпечвае нас штодня. І Ён ператварае нас у людзей, якімі Бог стварыў нас быць.

Але як бегчы да Хрыста? Робячы тое, што рабіў Ён.

Малітва. Калі пасьля прамоваў да натоўпаў на працягу шматлікіх дзён Ісусу было патрэбна адпачыць, дык Ён адводзіў час на тое, каб быць са Сваім Татам. Пакутваючы ў Гэтсэманскім садзе, Ён зьвярнуўся да Свайго Таты. Малітва дапамагае нам падтрымліваць сувязь з Хрыстом.

Людзі. Мы былі створаныя дзеля таго, каб жыць у адносінах зь іншымі людзьмі. Калі Ісус быў на зямлі, дык Ён абкружаў сябе людзьмі, заахвочваючы ды падбадзёрваючы іх у веры. Ты, напэўна, будзеш гнацца за тым, за чым гоняцца людзі, зь якімі ты праводзіш найбольш часу. Дык праводзь больш часу зь людзьмі, якія гоняцца за Богам.

Служэньне. Ісус прыйшоў на зямлю дзеля таго, каб служыць, - Ён Сам сказаў тое. Ён служыў вялікімі й малымі шляхамі, і Ён скончыў Сваю місію максымальна магчымым служэньнем - Ён ахвяраваў дзеля нас Сваё жыцьцё. Калі мы служым людзям навокал нас, то мы гонімся за Богам, робячы тое, што зрабіў Ісус.

Пост. Калі Ён стрымваўся ад ежы ў пустыні або ад часу зь людзьмі, аддаляючыся дзеля таго, каб пабыць у цішыні й адзіноце, Ісус, Божы Сын, ведаў, што нават Яму трэба было часова выдаліць са Свайго жыцьця пэўныя рэчы, дзеля таго, каб пабыць з Богам. Ад чаго ты час ад часу можаш адмовіцца, каб пабыць з Богам?

Слова. Ісус у гэтым меў перавагу - як напісана ў Яна 1, Хрыстос літаральна быў Божым Словам у чалавечым выглядзе. Адзін з найлепшых шляхоў ведаць Хрыста - гэта рэгулярна чытаць і разважаць над Божым Словам, шукаючы ў ім накірунку.

Дзей: Што з вышэй прыведзенага ты пачнеш рабіць у тваім жыцьці? Што зробіш сьпярша? Каму ты аб гэтым распавядзеш?

Больш пра пагоню за Богам.