У пагоні за морквайУзор

У пагоні за морквай

Ідэя пагоні за морквай паходзіць ад мэтафары пра моркву й кій, запісанай упершыню ў сярэдзіне XIX стагодзьдзя. Уяві сабе малюнак асла з моркваю, якая вісіць па-за ягонаю дасягальнасьцю. Вершнік трымае тую моркву на даўгім кію, каб заахвоціць асла рухацца. З пэрспэктывы асла, узнагарода заўсёды знаходзіцца ўсяго толькі за яшчэ адзін крок.

Ці ты калі-небудзь адчуваў сябе, як той асёл?

Задаўна перад XIX стагодзьдзем валадар Саламон лямантаваў марныя жыцьцёвыя прагненьні, называючы іх “пагоняю за ветрам”.

Ці ты калі-небудзь спрабаваў злавіць вецер? Ён заўсёды знаходзіцца толькі за яшчэ адзін крок ад нас.

Ашуканства “за яшчэ адзін крок” заключаецца ў тым, што заўсёды ёсьць яшчэ адзін крок. Яшчэ толькі некалькі гадоў на гэтай працы, або калі ты скончыш унівэрсытэт, або калі ты пабярэсься шлюбам, або калі дзеці вырастуць, або калі твая вера стане мацнейшаю, або калі ты зможаш дазволіць сабе набыць тое, што прынясе табе шчасьце. Толькі. Яшчэ. Адзін. Крок.

Існуе лепшы шлях жыцьця. Можаш кінуць пагоню за дасягненьнямі. Жыцьцё ёсьць нечым большым за безупыннае імкненьне да “болей ды лепей”.

Ісус сказаў пра гэтую шалёную пагоню за “болей ды лепей” у шостым разьдзеле эвангельля паводле Мацьвея. Чытаючы Ісусавы словы сёньня, паспрабуй зрабіць наступнае. Глыбока ўздыхні ды вызвалі твой розум ад усякіх турботаў. Уяві, што ты знаходзісься там у той час, як Ён прамаўляе. На чым ты сядзіш? Чым пахне паветра? Як гучыць Ягоны голас? Што яшчэ чуеш? Што бачыш? Што адбываецца ў тваім нутры, калі чуеш Ягоны голас?

Прачытаўшы сёньняшні ўрывак са Сьвятога Пісьма паводле вышэй апісанага мэтаду, паразважай над наступнымі двума пытаньнямі. Было прыемна запаволіцца ды пасядзець з Ісусам, так? Як я магу зрабіць больш месца для Ісуса ў маім жыцьці?

Памаліся: Прачытаўшы сёньняшні ўрывак са Сьвятога Пісьма, памаліся ды папрасі Бога дапамагчы табе запаволіцца, каб ты змог чуць Ягоны голас на працягу ўсяго дня.

Відэа, пытаньні на разважаньне, ды больш на тэму “Ў пагоні за морквай”.