У пагоні за морквайУзор

У пагоні за камфортам

Адчуваючы стрэс, боль, стомленасьць, адзіноту або проста нуду, кожны з нас час ад часу гоніцца за камфортам. Хто з нас ніколі не злоўжываў грашыма, ежай, сном, напоямі і не пераацэньваў здольнасьць рэчыўнага сьвету забясьпечыць нас трывалым камфортам?

Слова “камфорт” мае складаную гісторыю. Яно складаецца з дзьвюх лацінскіх частак: com, што азначае “разам з”, і fortis, што азначае “моцны або моц”. Потым лацінскае слова confortare пачало азначаць “моцна ўзмацняць”. Пазьней, старое францускае слова conforter дадало да таго азначэньня словы накшталт “суцяшэньне” і “дапамога”. У XIV стагодзьдзі, яшчэ адно францускае слова conforten пачало азначаць “падбадзёрваць, суцяшаць”. Нарэшце, у XVII стагодзьдзі ангельская вэрсія гэтага слова пачала азначаць адчуваньне фізычнага спакою, і працягвае азначаць тое сёньня.

Чаму гэта важна? За тысячагодзьдзе слова “камфорт” зьмянілася з “моц разам” на “абарона ад болю”.

Як ты бачыш Бога? Як тваю моц, якая з табою сярод болю, або як тваю абарону ад болю?


Прарок Ісая прадказаў, што Мэсія меўся прыйсьці ў наш сьвет, каб быць параненым за нашыя грахі ды пакутаваць дзеля нашага аздараўленьня. Калі сутнасьць нашае веры - ісьці па сьлядох Ісуса, дык паразважайма над Ягонай рэакцыяй на боль. У 1 Пятра 2:21-25 мы бачым Збаўцу, які ціха пераносіў боль, нягледзячы на тое, што Ён не зрабіў нічога, каб заслужыць яго. Ісус ня ймкнуўся пазьбегнуць болю або адшукаць ахвярнага казла; Ён прыйшоў у наш сьвет і зрабіў наш боль Сваім болем.

Ісус - гэта моц разам. Перад тым, як пайсьці назад да Таты, Ён паабяцаў нам, што Сьвяты Дух - “Суцешнік” - ня толькі будзе з намі, але і ў нас! Вось нешта вартае пагоні.

Дык ня будзьма гнацца за зямной вэрсіяй камфорту ў выглядзе безупыннага прагляду сэрыялаў, напіхваючыся марозівам. Заміж таго, шукайма камфорту ад Сьвятога Духа, ведаючы, што тое не азначае жыцьцё бяз болю, але суцяшэньне пасярод болю.

Памаліся: Госпадзе, мне не падабаецца дыскамфорт, але я люблю Цябе. Калі ласка, дапамажы мне зразумець, што азначае Твой камфорт, і дапамажы мне сапраўды адчуць яго. Сьвяты Дух, пакажы мне, як твая “моц разам” знаходзіцца са мною і ўва мне. Ісусе, дзякую Табе за тое, што ты прыняў на Сябе мой сорам на крыжы. Амін.