Правілы арганізацыі часу паводле Божага СловаУзор

Папросту скажэце “Не”

На пачатку свайго расказу аб служэньні Ісуса Марк апісвае, як Збаўца выгнаў нячыстага духа з аднаго чалавека ў сынагозе і вылечыў Сымонаву цешчу ў яе хаце ў Капэрнаўме. “А як зьмяркалася, калі заходзіла сонца, прыносілі да Яго ўсіх хворых і апанаваных дэманамі. І ўвесь горад сабраўся да дзьвярэй і Ён ацаліў многіх…” 

Ня дзіва, што нараніцу вучні панесьліся да Ісуса і сказалі Яму: “Усе шукаюць Цябе.” Відавочна, людзі пачулі былі пра цудадзейную сілу Ісуса і хацелі паўтарэньня нумару. Але Ісус адмовіўся. Вучні, пэўна, прыйшлі ў шок, калі пачулі Ісусаў адказ: “ Хадзем у бліжэйшыя селішчы і гарады, каб Мне і там зьвеставаць, бо Я на тое і прыйшоў.”

То быў першы, але зусім не апошні раз, калі мы пачулі слова “не” ад Ісуса ў Дабравесьцях. Чаму Ісус сказаў “не”? Ён, бясспрэчна, меў дастаткова сілы, каб вылечыць больш людзей. Ён, бясспрэчна, меў жаданьне суняць іхні боль. Але ж хаця Ісус хацеў вылечыць больш людзей, Ён ведаў, што Ягоны час на гэтай зямлі быў абмежаваны, і Ён мусіў выканаць Сваё прызначэньне. Ісус не прыйшоў на зямлю дзеля таго, каб вылечыць людзей і паказаць Сваю таясамасьць. Ён прыйшоў дзеля таго, каб паведаміць добрую навіну, рыхтуючыся да мукаў, што Ён меўся перанесьці на крыжы. Ісус выдатна разумеў Сваё прызначэньне і таму Ён мог адказаць “не” на добрыя рэчы дзеля таго, каб засяродзіць увагу на істотных рэчах, якія Ён прыйшоў выканаць.

Калі Ісус ня мог адказаць “так” на ўсё, то й мы таксама ня можам. Мы з вамі маем абмежаваны час і рэсурсы. Дзеля таго, каб выкарыстаць пакінуты нам час як найлепш, мы мусім добра ведаць, што, як мы разумеем, Бог заклікае нас рабіць. І мы мусім прызвычаіцца адказваць “не”, калі розныя нагоды — нават вельмі добрыя — адцягваюць нашую ўвагу ад нашай асноўнай місіі.

Памятайце, вы жывяце дзеля мэты! Я малюся, каб тыя ўрыўкі зь Пісьма, над якімі мы паразважалі за апошнія шэсьць дзён, дапамаглі нам быць мудрымі ў арганізацыі нашага абмежаванага часу на гэтай зямлі, выкарыстоўваючы апошнія гадзіны на тое, каб любіць Бога, любіць людзей і праз нашае жыцьцё й працу вучыць іх ісьці за Ісусам.

Калі вам спадабаўся гэты плян чытаньня, вам спадабаецца маё штотыднёвае пасьвячэньне, якое дапаможа вам далучыць эвангельле да вашае працы. Зарэгістравацца тут