Правілы арганізацыі часу паводле Божага СловаУзор


Усталюйце межы

У сваіх эвангельлях Мацьвей, Марк, Лукаш ды Ян заўважаюць колькасьць часу, што Ісус праводзіў у адзіноце — далёка ад вучняў, натоўпаў і занятасьці Свайго служэньня. Частыя згадкі аб такіх паводзінах намякаюць на тое, што Ісус выдатна ведаў, як усталёўваць межы ў Сваім раскладзе. Гэтак жа, калі мы жадаем эфэктыўна арганізоўваць наш час і рабіць найвялікшы ўклад у гэты сьвет, мы таксама павінны ўсталёўваць выразныя межы ў нашых раскладах.

Як Ісус, мы павінны пачаць з выдзяленьня часу на рэгулярныя малітвы (Марка 1:35) і вывучэньне Божага Слова. Бальшыня з нас прызвычаіліся да ідэі дачы дзесяціны з нашых грошай. А як наконт дзесяціны з нашага часу? Калі мы запаўняем нашыя графікі працоўнымі ды сямейнымі патрабаваньнямі, а потым спрабуем знайсьці час на малітву ды вывучэньне Бібліі, мы абавязкова пацерпім няўдачу. Перад тым, як вы пачняцё чытаць рэшту гэтага пляну, паразважайце над тым, які час вы выдзеліце штодзень выключна на малітву і вывучэньне Сьвятога Пісьма.

Як толькі вы ўсталявалі межы адносна вашага раскладу духоўных дысцыплінаў, то можа стацца карысным прымяніць такі ж самы мэтад і да разьмяркоўваньня вашага часу дома і на працы. Я, напрыклад, маю сталую рутыну, якая дапамагае мне захоўваць раўнавагу паміж жыцьцём і працай. Амаль штодня, я йду на працу а 4:00 і прыходжу дадому а 16:00. Гэткі прадказальны расклад дня ўсталёўвае выразныя межы, у рамках якіх я прымушаю сябе засяроджвацца на працы. Ці сканчаецца калісь мая праца? Вядома, што не. Але яна б ня скончылася нават калі б я працаваў да 17:00, 18:00 ці 22:00. Ня існуе скончанай працы. Але ж тая тоўстая лінія ў маім раскладзе напрыканцы майго дня ў кабінэце гарантуе, што я буду мець багата часу пабыць з маёй жонкай, дзецьмі ды царкоўнай сям’ёй.

Калі вы самі ня дбаеце пра межы ў вашым графіку, то нехта іншы падбае аб гэтым. Калі вы яшчэ таго не зрабілі, вазьмеце прыклад зь Ісуса ды ўсталюйце ясныя межы ў вашым раскладзе. Гэта першы крок да ўтаймаваньня вашага календару і добрай арганізацыі часу.