Правілы арганізацыі часу паводле Божага СловаУзор

Плянуйце кожны дзень

Усім вядома, што, каб удала кіраваць сваімі фінансамі, вы мусіце плянаваць свае выдаткі ўжо да таго, як грошы трапяць у ваш банкаўскі рахунак. Мы мусім праяўляць такую ж дысцыплінаванасьць, калі гаворка ідзе пра час. Урэшце, у адрозьненьне ад грошай мы ня можам зарабіць сабе больш часу, таму мы павінны разьмяркоўваць нашыя гадзіны нават больш старанна, чымся нашыя рублі.

Калі вы ўзялі прыклад зь Ісуса падчас чытаньня другога дня гэтага пляну, то вы павінны ўжо мець ясныя межы, вызначаючыя колькасьць часу, што вы прызначылі дзеля працы на кожны працоўны дзень. Як толькі вы ўсталявалі гэтыя межы, сабралі вашыя забавязаньні ў сьпіс і вызначылі істотныя праекты й заданьні, то пара рабіць больш дэталёвыя пляны аб тым, як вы будзеце праводзіць кожную гадзіну кожнага дня. Мне вельмі падабаюцца Ісусавы словы з Лукаша 14:28: “Бо хто з вас, хочучы пабудаваць вежу, сеўшы спачатку, не аблічыць выдаткаў, ці мае, каб дакончыць яе?” Мы “аблічваем выдаткі” нашай прадукцыйнай дзейнасьці, разьмяркоўваючы наш час, робячы пэўным, што мы маем “каб дакончыць” тое, што мы забавязаліся зрабіць.

Як жа ж гэта выглядае на практыцы? Я, напрыклад, адводжу апошнія 30 хвілінаў кожнага працоўнага дня на тое, каб вызначыць найістотнейшыя заданьні й праекты, якія я жадаю выканаць у наступны дзень, і каб сплянаваць, як мне трэба разьмеркаваць мой час, каб выканаць тыя рэчы й усё астатняе з майго календару. Такім чынам, калі я саджуся за мой стол наступнай раніцай, мне ня трэба марнаваць маю каштоўную разумовую энэргію на тое, каб думаць, што я мушу рабіць далей. Рашэньні былі прынятыя. Зараз толькі застаецца рабіць паводле пляну.

Праз усю кнігу Выслоўяў, Бог кажа нам пра мудрасьць, што ёсьць у асьцярожным плянаваньні нашага часу й грошай. Пры плянаваньні вашых дзён, будзьце асьцярожныя недаацаніць, колькі ўсяго вы можаце зрабіць за 24 гадзіны. Чалавеку ўласьціва пераацэньваць тое, што ён можа зрабіць за пэўны адрэзак часу. Папросту памятаючы гэта, вы зможаце рабіць разумнейшыя рашэньні наконт арганізацыі вашага часу. Лепей мець неспадзяваны вольны час напрыканцы дня, чымся ня выканаць тое, што вы плянавалі выканаць. 

Памятайце Ісусаву перасьцярогу ў Лукаша 14:29-30: “каб, калі закладзе падмурак і ня здолее дакончыць, усе, якія гэта бачылі, ня сталі сьмяяцца з яго, кажучы: “Гэты чалавек пачаў будаваць і ня здолеў дакончыць!” Калі мы не выконваем тое, што мы паабяцалі выканаць, тое шкодзіць нашаму сьведчаньню згубленаму сьвету. То плянуйце ж ваш час добра, каб быць упэўненымі, што вы здолееце дакончыць тое, што пачалі.