Правілы арганізацыі часу паводле Божага СловаУзор

Нашая праблема з арганізацыяй часу

У мяне часта пытаюцца парадаў як арганізоўваць час. Пытаюцца не таму, што я ўжо маю тое пад кантролем, а таму, што я маю велічэзны досьвед намаганьня ўраўнаважыць шматлікія плённыя заняткі ў маім жыцьці. Акрамя таго, што я працую гендырэктарам тэхналягічнага стартапу рызыкоўнай інвэстыцыі, я таксама аўтар, які прыкладае ўсе сілы, каб дапамагчы сувернікам далучыць эвангельле да іхняе працы. Дома я муж і бацька дзьвюх цудоўных дзяўчынак, якім менш за тры гады. Будзе пераменшваньнем сказаць, што маё жыцьцё ў дадзены момант трохі бурнае. Але з Божай дапамогай я ўсё гэта “упарадкоўваю” і нейкім цудам штоноч сплю 7-8 гадзінаў.

Я ўжо доўгі час апантаны ідэяй добрай арганізацыі майго часу. Чаму? Бо Біблія неаднаразова нагадвае нам, што нашае жыцьцё — “пара, якая зьяўляецца на малы час, а потым чэзьне.” (Якуба 4:14). Усё ж, Бог дазваляе нам быць на гэтай зямлі небеспадстаўна: каб мы любілі Яго ды іншых і навучалі ўсе народы йсьці за Ісусам Хрыстом. Мы — людзі прызначэньня. Нас не стварылі на тое, каб мы папросту сядзелі й чакалі вечнасьці. Нашае прызначэньне — удзельнічаць у сьвеце, ствараць культуру, дбаць пра патрэбы людзей навокал нас праз нашае жыцьцё і праз нашую працу. Карацей кажучы, Бог заклікае нас далучыцца да Яго ў Ягонай місіі вызваленьня гэтага сьвету. 

Маючы на ўвазе вялікае значаньне той місіі й цікаючы гадзіньнік часу, мы мусім быць самымі мэтазгоднымі людзьмі на плянэце, жывучы са здаровым пачуцьцём пільнасьці, заўсёды намагаючыся як найлепш выкарыстоўваць каштоўны час, дадзены нам Богам. Вось чаму вы чытаеце гэты плян! На працягу некалькіх наступных дзён мы з вамі паглыбімся ў Божае Слова, каб выявіць некалькі правілаў арганізацыі часу проста зь Пісьма. Але я мушу папярэдзіць вас, што гэты працэс ня будзе лёгкім. Калі б ён быў лёгкім, то мы б не змагаліся з гэтай праблемай безупынна. Урэшце, добрая арганізацыя часу ёсьць рэзультатам стараннасьці й дысцыпліны (Прыповесьці 21:5). Па меры таго, як мы прывучаемся арганізоўваць наш час, мы будзем мець больш часу на тое, каб зрабіць найвялікшы ўклад у гэты сьвет ад імя нашага Госпада й Збаўцы. Ці гатовыя вы пачаць як найлепш выкарыстоўваць той абмежаваны час, што Госпад падараваў вам? Пачнем!