Laai die Bybeltoep afReis Na Die KripVoorbeeld
Jesus Was God se Belofte
Profeet na profeet het die Messias se koms voorspel. Baie van Israel se gebruike en feeste was maar skaduwees van die werklikheid wat sy verskyning sou bring. Nogtans, soos die eeue verbygegaan het, het die lewe soos gewoonlik verloop, sonder dat die Goddelike belofte waar geword het. Was God se woorde aan sy mense net leë beloftes? Was al die profete verkeerd? Was die mens bestem om in die kettings van sonde en slawerny te leef?
Toe, op 'n dag wat net soos enige ander begin het, het die langverwagte Goddelike belofte waar geword, in die vorm van 'n baba wat die lot van die mensdom sou verander. Vir almal wat steeds vir Hom gewag het, het Jesus stil en sonder trompetgeskal gekom. Tog, op sy geboortedag het die wêreld 'n diepgaande verandering ondergaan. Niks sou ooit weer dieselfde wees nie.
Aktiwiteit: Dink na oor jou getuienis. Skryf die spesifieke maniere neer waarop jou lewe verander het toe jy Jesus aanvaar het. Deel dit met 'n mede-gelowige, om hul geloof te versterk.
Skrif
Aangaande hierdie leesplan
Op 'n stil nag, meer as 2 000 jaar gelede, het engele die nuus van die Verlosser se geboorte aan 'n groep herders gebring waar hulle skape opgepas het. Nadat hulle die nuus gehoor het, het hulle alles net so gelos om 'n baba in 'n krip in Betlehem te gaan soek. Oor al die jare heen, het die uitnodiging nie verander nie. Dr. Charles Stanley gaan jou help om nader aan die Here te kom en jou aanmoedig om tydens hierdie Kersgety, tyd te maak om rus in die Vader se liefde te vind.
More
