Laai die Bybeltoep afReis Na Die KripVoorbeeld
Die Menswording
Die bekendste gedeelte van Michelangelo se meesterstuk teen die plafon van die Sistynse Kapel, word "Die Skepping van Adam" genoem. Adam leun teen 'n rots en God, wat in die wolke verby beweeg, strek sy kreatiewe vinger na die eerste man uit. Terselfdertyd strek Adam sy vinger na God toe uit en hulle vingers raak amper aan mekaar — maar nie heeltemal nie.
Vergelyk hierdie beeld met die skoonheid van die menswording: God wat mens word, nie net om naby sy skepping te wees nie, maar ook om soos een van hulle te leef, ten volle mens en ten volle Goddelik. Die woord "menswording" klink dalk soos 'n formele teologiese woord, maar dit is in werklikheid 'n woord wat ongelooflike intimiteit verteenwoordig.
Jesus was eers 'n baba, toe 'n kind, 'n tiener en daarna 'n volwasse man — dit alles sodat Hy Homself heeltemal op alle vlakke met ons kan vereenselwig. Daar is geen offer wat met Syne vergelyk kan word nie.
Aktiwiteit: Bring 'n bietjie tyd alleen in die natuur deur. Dink na hoe Jesus se aardse lewe Hom in staat gestel het om Hom met jou te vereenselwig, net daar waar jy is.
Skrif
Aangaande hierdie leesplan
Op 'n stil nag, meer as 2 000 jaar gelede, het engele die nuus van die Verlosser se geboorte aan 'n groep herders gebring waar hulle skape opgepas het. Nadat hulle die nuus gehoor het, het hulle alles net so gelos om 'n baba in 'n krip in Betlehem te gaan soek. Oor al die jare heen, het die uitnodiging nie verander nie. Dr. Charles Stanley gaan jou help om nader aan die Here te kom en jou aanmoedig om tydens hierdie Kersgety, tyd te maak om rus in die Vader se liefde te vind.
More
