Laai die Bybeltoep afReis Na Die KripVoorbeeld
God Sien Meer
Baie mense mag dalk aanneem as Jesus vandag aarde toe sou kom, Hy 'n onberispelike, opgevoede, ryk familie sou kies om by groot te word — en sy geboorte aan 'n geselekteerde groep vooraanstaande pastore sou aankondig. Tog wys die werklikheid van die Kersverhaal die verskil uit tussen God se visie en ons wêreldse standaarde. Jesus kon dalk vandag gebore word as 'n kind van 'n hardwerkende motorwerktuigkundige in 'n lae inkomstegroep en sy kelnerin-verloofde. En dalk sou die engele verskyn het aan 'n groep oud-gevangenes wat laat werk om slote klaar te grawe.
Ons vergeet so dikwels hoe ver Maria en Josef verwyder was van enige vooraanstaande sosiale status en hoe die skaapwagters, volgens Joodse standaarde, as vuil en onbetroubaar beskou is. Elke persoon wat tydens daardie ongeëwenaarde nag om Jesus se krip gestaan het, het al verwerping en isolasie ondervind. Tog was hulle die spesiale mense, deur God gekies, om een van die heiligste gebeurtenisse van alle tye te ervaar. Hy het hulle harte en waarde raakgesien — selfs toe niemand anders het nie.
Aktiwiteit: Kry 'n groepie vriende bymekaar en bedien 'n maaltyd by 'n plaaslike skuiling vir haweloses.
Skrif
Aangaande hierdie leesplan
Op 'n stil nag, meer as 2 000 jaar gelede, het engele die nuus van die Verlosser se geboorte aan 'n groep herders gebring waar hulle skape opgepas het. Nadat hulle die nuus gehoor het, het hulle alles net so gelos om 'n baba in 'n krip in Betlehem te gaan soek. Oor al die jare heen, het die uitnodiging nie verander nie. Dr. Charles Stanley gaan jou help om nader aan die Here te kom en jou aanmoedig om tydens hierdie Kersgety, tyd te maak om rus in die Vader se liefde te vind.
More
