Laai die Bybeltoep afReis Na Die KripVoorbeeld
Reageer op God
Maria en Josef se verlowing was waarskynlik iets waarvoor hulle gesinne lankal gebid het. Albei was afstammelinge van koning Dawid — 'n perfekte verbintenis wat albei families 'n rede sou gee om oor bly te wees. Skielik het God egter hul viering onderbreek.
Die skielike verskyning van die engel in Maria se verhaal, het haar geen tyd gegee om vir sy boodskap voor te berei nie: Sy het by God guns gevind en sou aan sy Seun geboorte gee — al was sy nog 'n maagd. Sy moes 'n warboel van emosies ervaar het — buiten haar verwondering, moes gedagtes van wat haar familie en die gemeenskap sou dink, in haar gedagtes gemaal het. Maria moes besluit: Sou sy inval by God se plan, een wat op die oog af onmoontlik en vreesaanjaend gelyk het?
Maria se moedige en nederige reaksie baan 'n weg vir elke gelowige. Wanneer ons aan God se onderbrekings oorgee, kan ons rustig wees in die wete dat Hy altyd 'n hoër doel vir ons lewens het.
Aktiwiteit: Maak dit 'n gesinsprojek om navorsing te doen oor hoe verskillende kulture Kersfees vier. Oorweeg dit om nuwe tradisies aan te neem.
Skrif
Aangaande hierdie leesplan
Op 'n stil nag, meer as 2 000 jaar gelede, het engele die nuus van die Verlosser se geboorte aan 'n groep herders gebring waar hulle skape opgepas het. Nadat hulle die nuus gehoor het, het hulle alles net so gelos om 'n baba in 'n krip in Betlehem te gaan soek. Oor al die jare heen, het die uitnodiging nie verander nie. Dr. Charles Stanley gaan jou help om nader aan die Here te kom en jou aanmoedig om tydens hierdie Kersgety, tyd te maak om rus in die Vader se liefde te vind.
More
