Tydsberekening 

Een van die mees vernietigende leuens wat baie enkellopende Christene glo, is dat ons te oud is: te oud om te trou, te oud om 'n nuwe verhouding te begin en ook te oud om te floreer. Of jy nou 30 of 80 is, jy was waarskynlik al op 'n plek in jou lewe waar jy vas geglo het dat die tyd te vinnig verby gesnel het en dat dit te laat is. Die oomblik wat jy besluit om hierdie leuen te glo, is die oomblik wanneer jy hoop verloor. Hierdie is wat ek weet: wat God se plan met ons betref, solank as wat ons nog asemhaal, is ons nog nie te oud nie. Dink hieroor: Abraham was 100 toe hy sy eerste seun gehad het. Sara was 90. Moses was 80 toe hy begin het met sy Goddelike roeping. Josua was 90 toe hy uiteindelik reggemaak het om die beloofde land binne te gaan. Anna was al ver verby haar aftreetyd toe sy uiteindelik die langverwagte Messias gesien het. Wat God se planne met jou betref, as jy nog lewe is God nog nie klaar met jou nie. Enige iets kan enige tyd gebeur. Jy is nie te oud vir God en sy planne met jou nie. Jy is nie te oud dat God vir jou die geleentheid kan gee waarna jy hunker nie. God se tydsberekening is altyd perfek. Hy is nooit te laat nie. Hy is altyd daar vir jou op net die regte tyd. Weier om toe te gee aan die versoeking om jou te kwel oor dinge waaroor jy in elk geval geen beheer het nie. God kan doen net wat Hy wil. Enige tyd. Vertrou sy tydsberekening en lewe voluit.

Vrae: 

Was jy al ooit in die versoeking om te voel jy is te oud om te trou? Of dalk te oud dat God jou nog kan gebruik? Wat sou jy vir die Here gedoen het as jou ouderdom nie vir jou 'n probleem was nie?