Deernis

Fokus

Die herskeppende liefde van God roep ons na 'n lewe van liefde — een wat hoofsaaklik deur deernis gekenmerk word. Voordat jy voortgaan na die res van hierdie oordenking, neem 'n oomblik om 'n beeld van 'n deernisvolle lewe in jou gedagtes voor te stel.

Luister

Henri Nouwen — "Compassion"

"Deernis vra ons om te gaan waar dit seermaak, om plekke van pyn binne te gaan, om deel te hê aan gebrokenheid, vrees, verwarring en angs. Deernis daag ons uit om saam met diegene in ellende uit te roep, om saam met diegene wat eensaam is, te treur, om saam met dié in trane, te huil.

Deernis vereis van ons om saam met die swakkes swak te wees; kwesbaar saam met die kwesbares; en magteloos saam met die magteloses. Deernis beteken totale verdieping in die toestand van menswees.”

Pas toe

Volgens Jesus se standaard word ons doel nie bereik deur die hoeveelheid geld wat ons kan maak, die materiële dinge wat ons besit, uitnemendheid onder ons eweknieë of loopbaanprestasies nie. Dit word gemeet aan die hoeveelheid deernis wat uit ons vloei en na ander strek, ongeag die individu, situasie of omstandighede.

Hoe sal jou lewe lyk as dit die toonbeeld van hierdie tipe deernis is?

Wat sou dieselfde as nou wees? Wat sou anders wees?

Reageer

Bid hierdie gebed terwyl jy die Christelike roeping en doel van deernis oordink:

Here God, dankie vir die deernis, genade en barmhartigheid wat U aan my bewys het. Vul my met u Gees: u liefde, vreugde, vrede, geduld, vriendelikheid, goedhartigheid, getrouheid, sagmoedigheid en selfbeheersing.

Amen.