Word Die Pa Wat God Wil Hê Jy Moet WeesVoorbeeld

Die Regte Perspektief

Vaderskap is 'n maraton, nie 'n naelloop nie. Hou aan, al is dit moeilik om een voet voor die ander te sit.

Wanneer jou kinders fouteer en/of dinge moeilik raak, onthou dat God nooit beloof het dat jou kinders jou altyd sal gehoorsaam, die regte besluite sal neem, of reageer op die manier wat jy verdien nie — hulle het dieselfde vrye wil wat jy het — maar Hy belowe wel dat jou pogings vrugte sal dra en dat jou kinders vroeër of later sal terugkeer na die waarhede wat jy hulle geleer het.

Hou dus aan, en terwyl jy wag vir die beloning, onthou dat God alles ten goede laat meewerk vir dié wat Hom liefhet en dié wat volgens sy besluit geroep is. Hy sal op die ou end verheerlik of geprys word, as 'n direkte gevolg van jou pogings. As jy jou hemelse Vader werklik liefhet soos 'n seun behoort te hê, sal dit jou deurdra. Dit sal vir jou vreugde bring.

• Hoekom is dit so belangrik dat jy nie toelaat dat jou kinders se gedrag teenoor jou die manier beïnvloed waarop jy met hulle omgaan of hulle grootmaak nie?
• Wie se opinie oor jou pogings tel die meeste?
• Watter vertroosting is daar in God se belofte dat Hy jou gehoorsaamheid in die manier waarop jy jou kinders grootmaak sal gebruik om jou kinders te laat word wat Hy wil hê hulle moet wees? Hoe vrywaar hierdie belofte jou?
• Hoe help dit jou in jou ouerskap om hulle groot te maak volgens sy wil?

Lees Romeine 8:28, Spreuke 22:6 en Efesiërs 1:11.