Geestelike Dissiplines Vir Dieper Intimiteit Met God en Geestelike Groei.Voorbeeld
![Geestelike Dissiplines Vir Dieper Intimiteit Met God en Geestelike Groei.](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F44222%2F1280x720.jpg&w=3840&q=75)
Voorstel
1.Vra drie vriende/vriendinne om hierdie leesplan saam met jou te doen (vier in 'n groep — mans en vroue in afsonderlike groepe).
2. Almal doen die leesplan op hulle eie.
3. Kom bymekaar na voltooiing van die leesplan en bespreek wat julle ontdek/geleer het.
4. Oorweeg om al 25 leesplanne in hierdie reeks as groep saam te doen.
5. Hierdie is Nr.18 in ‘n reeks van 25 Bybelstudies.
6. Watter ander persoon of persone dink jy sal by hierdie leesplan baat vind? Maak kontak en vertel hulle daarvan en moedig hulle aan om dieselfde leesplan saam met 'n groep van vier te doen.
7. Hierdie leesplanne sal jou help om te groei en uiteindelik 'n dissipelmaker te word — iemand wat dissipels van nuwe bekeerlinge en ander Christene kan maak.
Geestelike Dissiplines Vir Dieper Intimiteit Met God en Geestelike Groei
Die Skrifgedeeltes waarop gefokus word: Psalm 19:14 en Johannes 10:1-16.
Besin oor hierdie Skrifgedeeltes aan die hand van drie vrae:
1. Wat leer ons van God in hierdie gedeelte? (Hoe openbaar God Homself aan my: Wie Hy is, sy karakter, werke, bevele, beloftes?)
2. Wat leer ons van onsself/ander mense uit hierdie Skrifgedeelte? (Wat verwag God van my volgens hierdie gedeelte — bv. om te vergewe, groei in my verhouding met Hom, gehoorsaam te wees, en in ‘n verhouding met Hom te leef? Wat moet in my lewe verander? Wat is my verantwoordelikhede?)
3. ‘n Baie sinvolle vraag om te vra, is: Waarom dink jy is hierdie gedeelte in die Bybel?
Van inligting tot gehoorsaamheid: Hoe kan ek dit wat ek uit hierdie gedeelte ontdek het, integreer in my lewe? Hoe moet ek God gehoorsaam? Hoe kan ek vir ander tot seën wees? Wat en waaroor kan ek bid vanuit hierdie Skrifgedeelte?
Nadat jy Psalm 19:14 en Johannes 10:1-16 bestudeer het, wat voel jy vra die Heilige Gees van jou om te doen? Omdat dit God is wat hier praat, moet ons reageer. Is daar iets wat in jou lewe moet verander in die lig van hierdie Skrifgedeeltes? Wat is daar wat jy in die komende week moet doen na aanleiding van jou bestudering van hierdie Skrifgedeeltes? Hoe kan jy 'n seën wees vir ander mense om jou? Wees baie spesifiek.
Aangaande hierdie leesplan
![Geestelike Dissiplines Vir Dieper Intimiteit Met God en Geestelike Groei.](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F44222%2F1280x720.jpg&w=3840&q=75)
Christene het 'n diep begeerte om in 'n dieper verhouding met God te staan, meer van Hom te beleef en sy weë beter te verstaan. Hierdie leesplan fokus op geestelike dissiplines wat mense kan help om op hierdie pad te loop.
More
Ons wil graag Disciple4 bedank vir die verskaffing van hierdie leesplan. Vir meer inligting, besoek asseblief: https://disciple4.com/