Die Man aan die Kruis in die Middel: 'n 7-dag Paasfees leesplanVoorbeeld

DIE BELOFTE VAN DIE PARADYS

“En verder sê hy: 'Jesus, dink aan my wanneer U in u koninkryk kom.' Jesus antwoord hom: 'Ek verseker jou: Vandag sal jy saam met My in die paradys wees'" Lukas 23:42-43.

Jesus is tussen twee veroordeelde misdadigers gekruisig — en daardie misdadigers het albei die woorde van Christus gehoor, maar tog het hulle baie verskillend gereageer. Die eerste sterwende man het die kruis as 'n teenstrydigheid beskou. Hy het tot die slotsom gekom dat, omdat Jesus aan die kruis was, Hy geen Verlosser was nie. Hy het dus die man aan die middelste kruis bespot: “Is jy dan nie die Christus nie? Red jouself en ons ook!” (Lukas 23:39). Die tweede man het die kruis as bevestiging gesien. Hy het erken omdat Jesus aan die kruis was, Hy die Verlosser moet wees.

Hierdie eens hardvogtige misdadiger het in sy laaste ure genoeg van Jesus gesien en gehoor om tot die gevolgtrekking te kom dat Hy aan enige misdaad onskuldig was. Die Heilige Gees het ook sy oë oopgemaak om te besef dat sy penarie veel groter en anders was as wat hy voorheen gedink het. Hy is nie net regverdig gestraf nie, hy het die veroordeling ontvang wat sy sondes verdien het, maar sy straf sou tot in die ewigheid strek as hy die vergifnis waarvan Jesus gepraat het sou hê nie.

Na aanleiding van hierdie besef, het die veroordeelde man 'n nederige versoek aan Jesus gerig vir wat hy geweet het hy nie verdien nie: "Jesus, dink aan my wanneer U in u koninkryk kom." Vermoedelik het hy die bewyse verwerk en tot die gevolgtrekking gekom: As hierdie man die Messias is, dan is Hy die lank beloofde Koning. As Hy daardie Koning is, gaan Hy ’n koninkryk hê — die ewige koninkryk van God. Wanneer Hy sy koninkryk bereik, dan sal Hy miskien aan my dink wanneer Hy daar aankom.

Jesus se antwoord is wonderlik: “Ek verseker jou: Vandag sal jy saam met My in die paradys wees." Jesus het nie net belowe dat hierdie man — selfs hierdie man — hemel toe sou gaan nie, maar Hy het ook die onmiddellike aard van daardie werklikheid vir hierdie sterwende man beklemtoon: “vandag”! Ons kan ons voorstel dat hulle hul gesprek voltooi het, nie hangende aan kruise op Golgota nie, maar waar hulle in die koninkryk van God sit.

Hierdie misdadiger het niks aangebied nie en die Koning vir alles gevra. En Hy het ja gesê. Hierdie moet nooit ontbreek om ons aan te raak en ons te verseker nie, want ek en jy is in dieselfde posisie as daardie misdadiger. Ons het niks om na Jesus te bring nie, asof ons dade dalk die sleutel is wat die weg na sy koninkryk oopmaak. Al wat ons bring is wat die misdadiger gebring het: ons sonde. Daarom het Jesus aan die kruis gehang: sodat ons ons sonde na Hom kan bring en dat Hy dit kan neem en dra. Daarom is Jesus se belofte aan die misdadiger ook sy belofte aan elke gelowige wat sterf: “Vandag sal jy saam met My in die paradys wees.” Laat daardie kennis jou vreugde gee en jou aanmoedig om jou lof vandag te bring. Eendag sal jy — selfs jy — saam met jou Koning in die paradys wees.

• Hoe roep God my om anders te dink?
• Hoe herrangskik God my hart se geneenthede — waarvoor ek lief is?
• Waartoe roep God my vandag terwyl ek deur my dag gaan?