Bevryding van VergelykingsVoorbeeld

Deursigtige oomblik.

Vir die grootste deel van my lewe het ek gesukkel met gevoelens dat ek misgekyk word, oorgesien word en ongewens was. Dit was die sameloop van baie dinge: my ma wat vir my sê sy wil my nie hê nie, ek wat nie vir sportspanne gekies word nie omdat ek oorgewig is, en klasmaats wat nie met my vriende wou wees nie. In die lente van 2020, toe die wêreld ingeperk is, is my hele jaar se toesprake gekanselleer. Een dag sien ek op Instagram dat 'n paar van my vriende uitgenooi is om as sprekers by 'n groot aanlyn vrouekonferensie op te tree. Ek het die sprekers en gasvrou geken ... maar ek is nie uitgenooi nie.

My negatiewe gevoelens van ontoereikendheid het weer ingeskop en my gedagtes het gemaal met vrae soos: "Hoekom is ek nie uitgenooi nie?", "Hoekom is ek buite rekening gelaat?", "Hoekom was ek nie goed genoeg nie?" Te midde van al die vrae, hoor ek die Heilige Gees iets anders vra wat my hele uitkyk, lewe en identiteitskrisis vir altyd verander het. Hy vra my: "Hoekom maak dit saak?" Daardie eenvoudige vraag was so diepgaande van aard. Dit het my hele wese geruk. Dit het my gedwing om wat ek oor myself geglo het, te ondersoek. Dit wat ek geglo het was nie 'n mooi prentjie nie.

Iewers langs die pad het ek op een of ander manier my identiteit gekoppel aan die toesprake waarheen ek uitgenooi was. Om nie uitgenooi te word nie, het net daardie waarheid na vore gebring. Ek het onseker gevoel omdat ek my identiteit aan die onseker grondslag van uitnodigings gekoppel het. In vandag se teksvers sien ons hoe Jonatan sy identiteit aan die enigste vaste grondslag gekoppel het vanwaar ons vol selfvertroue ons doel kan uitleef, sonder om ons met iemand anders te vergelyk.

Jonatan het nie vir Dawid, soos sy pa koning Saul, as 'n bedreiging gesien nie omdat die mense vir Jonatan aanvaar het. In plaas daarvan het Jonatan vir Dawid liefgehad en sy vriendskap geniet. Hoe is dit moontlik? Wel, voordat Dawid nog op die toneel verskyn, kry ons in 1 Samuel 14:6 'n blik op die geloof wat die anker van Jonatan se identiteit was.

"Jonatan het vir sy wapendraer gesê: 'Kom ons gaan oor na die patrollie van hierdie heidene toe. Miskien sal die Here ons help. Hy kan red, deur baie of deur min.'”

Jonatan het namens God teen die Filistyne gaan veg, nie omdat hy probeer het om mense te beïndruk nie (daar was geen toeskouers nie) en ook nie omdat hy 'n naam vir homself wou maak nie (daar was geen toeskouers nie). Hy het alleen gegaan omdat hy in God geglo, en Hom ten volle vertrou het dat niks in die pad van God se doel vir hom kon staan nie. Nie mense se goedkeuring nie. Nie sy status as toekomstige koning nie. Niks nie. Die rede is: as jou onsekerheid ontstaan as gevolg daarvan dat jy voel jy word buite rekening gelaat of oorgesien, moet jy nie vra: "Hoekom is ek nie gekies nie?" of "Hoekom kry hy/sy altyd die geleentheid?" nie, vra eerder: "Waarom maak dit saak?"

Voor ons volgende sessie, kan jy tot God in gebed nader en Hom vra om vir jou te wys wat die oorsprong van jou onsekerheid is, sodat jy jou identiteit op die vaste grondslag kan bou van wie Hy sê jy is.