Raakgesien: Genesing van Wanhoop en Angs deur Verbintenis Voorbeeld

Daag Op

Ek hou baie van die verhaal van Jesus wat Lasarus uit die dood opgewek het. Dit is 'n kragtige voorafskaduwing van wat Jesus uiteindelik self sou doen. Wat my egter nog altyd opgeval het, is wat Jesus gedoen het voordat hy geskree het: "Lasarus, kom uit!" Jesus het nie gehaas om die probleem "op te los" nie. Jesus het geweet Hy het die krag om Lasarus enige oomblik te genees, maar hy het hom nie dadelik genees nie. In plaas daarvan, vir redes onbekend aan ons, het Jesus van Lasarus se siekte gehoor en eerder om hom van 'n afstand af te genees met 'n gebed, het hy persoonlik by sy huis opgedaag.

Jesus daag op. Hy het ook vir die vrou by die put opgedaag. Hy het ná die opstanding vir Tomas opgedaag. Jesus het vir Petrus op die strand opgedaag, toe hy skaam oor sy foute gevoel het. Hy het vir Saggeus, Levi en vele meer opgedaag.

Net sy teenwoordigheid maak saak. Mense het na sy teenwoordigheid gesmag. Waar Jesus ook al was, was Hy 100% daar en teenwoordig. Sy aandag was nie afgelei of besig met ander dinge nie nie. Hy was en is net dáár.

In vandag se wêreld kan dit vir ons moeilik wees om 100% daar te wees wanneer ons opdaag. Om op te daag en ten volle teenwoordig te wees, is egter noodsaaklik om ander te help om van wanhoop te genees. Afleidings weerhou ons daarvan om dieper te sien en die regte vrae te vra. Afleidings sal dit vir ons moeilik maak om ons gedagtes rustiger te maak en die emosionele kant van ons brein te betrek. Om die emosionele kant van ons brein te betrek is nodig om empatie te betoon. Bewapen jouself met empatie en liefde — om op te daag is maar net 50% van die werk.