Laai die Bybeltoep afTen volle Toegewyd: 'n InleidingVoorbeeld
Wat Is die Bybel?
Deur die geskiedenis en deur die bladsye van die Bybel, ondervind mense die teenwoordigheid van God. As gevolg daarvan het hulle radikaal verander. Die Bybel is nie soos enige ander boek nie. Daar is iets besonders daaraan — iets wonderbaarlik.
Moenie die betowering en misterie van die Bybel laat verbygaan deur dit te probeer dwing om iets te wees wat dit nie is nie. Kom ons begin met die basiese beginsels. Byvoorbeeld, watter soort boek is die Bybel?
Die Bybel is nie 'n handboek met die antwoorde op al ons vrae nie.
Dit is nie 'n reëlboek met al die lewensreëls nie.
Dit is nie 'n boek met inspirerende aanhalings om ons beter te laat voel wanneer ons sleg voel nie.
Dit is ook nie 'n selfhelpboek vol wenke en kunsies om ons lewens beter te maak nie.
Dit is soveel meer as enige van hierdie dinge.
Die Bybel is 'n verhaal wat na Jesus lei. Dit verander ons in mense wat God en ander liefhet met alles wat ons is.
Een ding wat die Bybel uniek maak, is dat dit nie 'n enkele boek is nie, maar 'n versameling boeke. Wanneer ons die Bybel oopmaak, stap ons 'n biblioteek van boeke en verhale binne wat dieselfde verhaal vertel. Dit is 'n versameling geskiedenis, gelykenisse, poësie, persoonlike redevoering, en meer. Dit is geskryf deur dosyne skrywers deur die loop van honderde jare wat almal deur God se Gees geïnspireer is.
Dit het nie net die krag om ons in te lig nie — dit het die krag om ons te herskep.
Dit is 'n pragtige kombinasie van menslike outeurskap en Goddelike inspirasie wat die verhaal van die samevoeging van hemel en aarde so mooi uitbeeld.
Onthou vandag net dit: Die Bybel is 'n verhaal wat ons na Jesus lei, en ons dan verander om meer soos Hy te wees.
Joernaalvrae
- Skryf een van die verse van vandag se Skrifgedeelte neer. Wat staan vir jou uit van daardie vers? Hoe kan jy die wysheid van daardie woorde neem en dit vandag op jou lewe toepas?
- Watter foute maak mense wanneer hulle die Bybel probeer verstaan?
- Wat het jou gehelp om die Bybel beter te lees en te verstaan?
Memoriseervers
"Ek gee julle 'n nuwe gebod: julle moet mekaar liefhê. Soos Ek julle liefhet, moet julle mekaar ook liefhê. As julle mekaar liefhet, sal almal weet dat julle dissipels van My is" Johannes 13:34-35.
Aangaande hierdie leesplan
Wil jy groei in jou verhouding met God, die Bybel beter verstaan en leer hoe jy vandag vir Jesus getrou in ons wêreld kan volg? Met die Bybelse verhaal as ons gids, kom ons ontdek waarhede en ontwikkel vaardighede wat ons sal help om ten volle toegewyde volgelinge van Christus te word. Hierdie leesplan is deel 1 in 'n reis van 9 dele.
More
