Heilige Emosies - Bybelse Antwoorde vir Elke UitdagingVoorbeeld

As dit jou begeerte is om 'n sterk gees te ontwikkel, moet jy dit voed met 'n gesonde, "vitamien-gevulde dieet." Jy moet jou Bybel elke dag lees om jou geestelike spiere te versterk en om jou geestelike uithouvermoë te verhoog. Ons lees nie die Bybel hoofsaaklik vir inligting nie, maar vir verandering. Die wonderwerkende krag wat in die Woord te vinde is, is 'n ongelooflike "vitamiene" wat 'n gesonde gees in jou lewe vestig.

So baie mense gebruik verskonings waarom hulle nie elke dag hulle Bybel kan lees nie. Party redes is: "Ek verstaan dit nie. Dit is net leë woorde op 'n bladsy vir my." Laat ek jou vandag aanmoedig dat, as dit jou verskoning is, hou net aan lees! God SAL jou ontmoet, of jou verstand die ewige Waarheid in die Woord begryp of nie. Selfs as jou verstand dit nie begryp nie, is jou gees besig om dit in te neem!

Jou keuse om jou gees met "gesonde kos" te voed, sal help om dit sterk en kragtig te hou selfs wanneer jou siel buite beheer is. Die gereelde lees van jou Bybel is die sleutel tot die gewoontes wat jy nodig het om geestelik gevestig en emosioneel gesond te wees.