Daaglikse Oordenkings met Greg LaurieVoorbeeld

ʼn Onbewaakte Krag

"Op hoogmoed volg ondergang, op selfverheffing volg die val" (Spreuke 16:18).

Moet nooit sê: “Ek sal dit nooit doen nie ...", want die feit van die saak is dat jy ten volle in staat is om dít en selfs meer te doen.

Die eerste stap wat gelei het tot Petrus se ontkenning van die Here, was selfvertroue. Hy het vir Jesus gesê: “Al sal hulle U ook almal in die steek laat, ek sal U nooit in die steek laat nie” (Matteus 26:33). Die openbaring dat Judas Iskariot ʼn verraaier is, het veroorsaak dat Petrus dit gesê het. Petrus het in der waarheid gesê: “Kyk, ek weet nie van Jakobus en Johannes, die sogenaamde Seuns van Donder nie, en ek is nie seker van Matteus en sommige van hierdie ander nie. Maar ek gaan U dít vertel: ek sal U nooit verlaat nie.” Dit was trots en Spreuke 16:18 sê: “Op hoogmoed volg ondergang, op selfverheffing volg die val."

Ons kan dalk sê: "Ek sal nooit in hierdie area faal nie.” Laat ons egter versigtig wees. Dit is moontlik die presiese area waarin ons kan faal.

Jy mag dalk sê: “O, ek sal dit nooit doen nie. Ek sal nooit in ʼn miljoen jaar daardie sonde pleeg nie. Ek is werklik sterk in daardie area. Jy weet, miskien is ek bietjie swakker hier, maar in daardie een area sal ek nooit faal nie.” Werklik? Weet jy nie hoe boos jou hart eintlik is nie? Weet jy nie dat ons almal die geneigdheid het om die verkeerde ding te doen nie? Soos die lied, Kom Jy Fontein, sê:

O, tot die genade, hoe groot ʼn skuldenaar.
Daagliks is ek beperk om te wees!
Laat U goedheid soos ʼn boei,
My dwalende hart bind aan U:
Geneig om te dwaal – Here, Ek voel dit --
Geneig om die God wat ek lief het, te verlaat.
Hier is my hart – O, neem en verseël dit,
Verseël dit vir U Hemelse Howe.

Ter opsomming: Onthou, ʼn onbewaakte krag is ʼn dubbele swakheid.


Kopiereg © 2012 deur Harvest Ministries. Alle regte voorbehou.