Wie is Jesus? Deel 2Voorbeeld

Nogal ‘n Opknapper

“Maar Ek gaan nou vir julle die bewys lewer dat die Seun van die mens volmag het om op aarde sondes te vergewe." Hy sê toe vir die verlamde man: "Staan op, vat jou draagbaar en gaan huis toe” Matteus 9:6.

Jesus verwys na Homself as die Seun van die mens, en nie net dit nie, Hy maak aanspraak op die gesag om sondes te vergewe, iets wat die godsdienstige gehoor geglo het net God die mag het om te doen. Jy dink dalk, Jesus is dan die Seun van God, wat beteken dit dan dat Hy die Seun van die mens ook is? Is Jesus verward oor sy oorsprong? Nee, daar is soveel betowering toegedraai in die betekenis van hierdie titel. 

Een manier om aan die Seun van die mens te dink is deur die definisie "die menslike Een." Iets wat ons regdeur die bergrede gesien het, is dat Jesus ons geleer het wat dit regtig beteken om mens te wees; Hy het vir ons die soort verhouding gewys wat God verlang om met elkeen van ons te hê. Hy het hierdie nuwe manier van leef, dink, liefhê en waarneem bekendgestel. Die ware manier om mens te wees. In 'n wêreld wat behep is om "ons ware self" te vind en "ons waarheid te leef", leer Jesus ons dat die enigste manier om werklik 'n geloofwaardige, betekenisvolle lewe te vind, is om onsself te verloën, ons kruis op te neem en Hom te volg.

Daarbenewens verbind die titel Jesus met Adam, die eerste mens, wie se naam letterlik mens is! Paulus beskryf hierdie verband deur te sê: 

"… Daar is ooreenkoms tussen Adam en Hom wat sou kom, maar met die genadegawe is dit anders as met die oortreding. Deur die oortreding van een mens het baie gesterf, maar die genade van God en die gawe wat deur die genade van een Mens, Jesus Christus, gekom het, is veel oorvloediger aan baie geskenk" Romeine 5:14-15.

Die eerste Adam het dus sonde gebring en op die hakke van die sonde, die dood. Jesus egter, die tweede Adam, het die gawe van lewe gebring. 

"Die loon wat die sonde gee, is die dood; die genadegawe wat God gee, is die ewige lewe in Christus Jesus ons Here" Romeine 6:23.

Jesus het gekom om die skade van die sonde wat deur Adam se ongehoorsaamheid in die skepping ingekom het, ongedaan te maak. Soos 'n kontrakteur by 'n opknappingsprojek, het Hy met die herstelproses begin. Jesus nooi ons ook nou om saam met Hom te werk om die skepping te herstel. Wanneer ons dit doen, leer ons wat dit werklik beteken om mens te wees. Dit is deur hierdie vennootskap dat ons die geloofwaardige, betekenisvolle lewe vind waarna ons almal soek.