Ou Testament — Die Boeke van Moses

Ou Testament — Belangrikste Profete

Die Ou Testament — Boeke van Wysheid

60-dag Nuwe Testamentiese Reis

Heilige Emosies - Bybelse Antwoorde vir Elke Uitdaging

Elisa: Die Verhaal Van Ongelooflike Geloof

Die Beter Leesplan

Veranderd: Die Volgende Stappe vir 'n Veranderde lewe

Kom saam, Ontdek wysheid uit die Woord.

Ervaar jy die volheid van die Heilige Gees?

<div class="version vid6 iso6393afr" data-vid="6" data-iso6393="afr">
 <div class="book bkJOS">
 <div class="chapter ch9" data-usfm="JOS.9">
 <div class="label">9</div><div class="s1">Die Gibeoniete</div><div class="p"> 1Al die konings wes van die Jordaan, di&#233; in die Bergland, in die Laeveld, aan die hele kus van die Groot See en tot regoor die Libanon, die Hetiete, Amoriete, Kana&#228;niete, Feresiete, Hewiete en Jebusiete, het van Josua gehoor 2en hulle het eendragtig saamgestaan om teen hom en Israel te veg.</div><div class="p"> 3Maar toe die inwoners van Gibeon hoor wat Josua met Jerigo en Ai gedoen het, 4het hulle 'n slim plan gemaak. Hulle het padkos ingepak; hulle het verslete saalsakke op hulle donkies saamgeneem en verslete wynsakke wat geskeur en weer toegewerk was; 5aan hulle voete was verslete, gelapte skoene en hulle het verslete klere aangehad; al hulle padkos was droog en verkrummel. 6Hulle het na Josua toe in die kamp by Gilgal gegaan en vir hom en die Israeliete ges&#234;: &#8220;Ons kom uit 'n ver land en ons kom vra dat u met ons 'n verdrag sluit.&#8221;</div><div class="p"> 7Die Israeliete het vir die Gibeoniete, wat Hewiete was, ges&#234;: &#8220;Dalk woon julle hier tussen ons. Hoe kan ons dan met julle 'n verdrag sluit?&#8221;</div><div class="p"> 8Hulle het vir Josua ges&#234;: &#8220;Ons wil u onderdane wees.&#8221;</div><div class="p">&#8220;Maar wie is julle en waar kom julle vandaan?&#8221; vra Josua.</div><div class="p"> 9En hulle antwoord: &#8220;Ons kom uit 'n baie ver land; ons kom op grond van die roem van die Here u God. Ons het van Hom gehoor en van alles wat Hy met Egipte gedoen het, 10en ook van alles wat Hy met die twee Amoritiese konings oorkant die Jordaan gedoen het, met koning Sihon van Gesbon en met koning Og van Basan wat in Astarot gewoon het. 11Ons leiers en al die inwoners van ons land het vir ons ges&#234;: Vat padkos saam en gaan die Israeliete tegemoet en s&#234; vir hulle: Ons wil onderdane wees; wil u nie met ons 'n verdrag sluit nie? 12Kyk ons brood, dit was nog warm toe ons dit uit ons huise gebring het om vir padkos saam te vat die dag toe ons na u toe vertrek het, en nou is dit droog en verkrummel. 13En kyk ons wynsakke wat nuut was toe ons hulle vol gemaak het, nou is hulle vol barste. Kyk hoe verslete is ons klere en ons skoene van die lang pad.&#8221;</div><div class="p"> 14Die Israeliete het na die padkos gekyk, maar nie die Here geraadpleeg nie. 15Josua het die Gibeoniete goed behandel en met hulle 'n verdrag gesluit dat hulle lewens gespaar sal word. Die leiers van die volksvergadering het dit met 'n eed bevestig.</div><div class="p"> 16Drie dae nadat die verdrag gesluit is, het die Israeliete gehoor dat die Gibeoniete hulle bure is en tussen hulle woon. 17Die Israeliete het dadelik vertrek en op die derde dag by die stede van die Gibeoniete aangekom. Die stede was Gibeon, Kefira, Be&#235;rot en Kirjat-Jearim. 18Die Israeliete het hulle nie aangeval nie omdat die leiers van die volksvergadering 'n eed teenoor die Gibeoniete afgel&#234; het voor die Here die God van Israel, maar die hele volk het teen die leiers gemor. 19Die leiers het vir die volk ges&#234;: &#8220;Ons het 'n eed teenoor hulle afgel&#234; voor die Here die God van Israel. Ons kan hulle nie nou aanval nie. 20Ons moet ons woord hou en hulle lewens spaar sodat die eed wat ons teenoor hulle afgel&#234; het, nie die straf van God op ons bring nie.&#8221;</div><div class="p"> 21Die leiers het verder ook nog vir die volk ges&#234;: &#8220;Laat hulle lewe, maar dan moet hulle houtkappers en waterdraers van die hele volk word.&#8221;</div><div class="p">Nadat die leiers met die Israeliete gepraat het, 22het Josua die Gibeoniete geroep en vir hulle ges&#234;: &#8220;Hoekom het julle ons bedrieg? Julle het ges&#234; julle woon baie ver van ons af en al die tyd woon julle tussen ons. 23Daar rus nou 'n vloek op julle. Julle sal altyd slawe wees: houtkappers en waterdraers vir die huis van my God.&#8221;</div><div class="p"> 24Hulle het Josua geantwoord: &#8220;Daar is oor en oor aan ons vertel wat die Here u God vir sy dienaar Moses ges&#234; het, naamlik dat Hy aan u die hele land gee en dat Hy al die inwoners van die land sal uitroei om vir u plek te maak. Ons het vir ons lewens gevrees, en daarom het ons di&#233; ding gedoen. 25Ons is in u hande, doen met ons wat goed en reg is in u o&#235;.&#8221;</div><div class="p"> 26Josua het toe s&#243; gemaak: hy het hulle beskerm teen die Israeliete dat di&#233; hulle nie doodmaak nie, 27maar hy het hulle van di&#233; dag af houtkappers en waterdraers gemaak vir die volk en vir die altaar van die Here op di&#233; plek wat die Here sou kies. Dit is vandag nog so.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkJOS">
 <div class="chapter ch10" data-usfm="JOS.10">
 <div class="label">10</div><div class="s1">Die oorwinning oor vyf Amoritiese konings</div><div class="p"> 1Koning Adoni-Sedek van Jerusalem het gehoor dat Josua Ai ingeneem en heeltemal vernietig het, dat hy met Ai en sy koning dieselfde gedoen het as wat hy met Jerigo en sy koning gedoen het, en ook dat die inwoners van Gibeon met Israel vrede gemaak het en by hulle woon. 2Die mense van Jerusalem het baie bang geword, want Gibeon was 'n belangrike stad, soos 'n stad met 'n koning, en groter as Ai, en al sy manne was dapper vegters. 3Koning Adoni-Sedek van Jerusalem het toe vir koning Hoham van Hebron, vir koning Piram van Jarmut, vir koning Jafia van Lakis en vir koning Debir van Eglon laat weet: 4&#8220;Kom help my dat ons Gibeon aanval; hulle het vrede gemaak met Josua en die Israeliete.&#8221;</div><div class="p"> 5Die vyf Amoritiese konings, die konings van Jerusalem, Hebron, Jarmut, Lakis en Eglon, het toe elkeen met sy hele le&#235;r gekom, hulle manskappe teen Gibeon ontplooi en die aanval begin. 6Die manne van Gibeon het vir Josua in die kamp by Gilgal laat weet: &#8220;Moet ons tog nie nou in die steek laat nie, u moet gou hiernatoe kom en ons red. U moet ons help, want al die Amoritiese konings in die Bergland het 'n bondgenootskap teen ons gesluit.&#8221;</div><div class="p"> 7Josua en al sy manskappe, al die dapper vegters, het toe uit Gilgal vertrek. 8Die Here het vir Josua ges&#234;: &#8220;Moenie vir hulle bang wees nie, Ek gee hulle in jou mag oor. Nie een van hulle is teen jou bestand nie.&#8221;</div><div class="p"> 9Josua het van Gilgal af die hele nag deur getrek en die Amoriete skielik oorval. 10Die Here het hulle paniekbevange laat word vir Israel. Israel het 'n groot slagting onder hulle aangerig in Gibeon, hulle agtervolg deur die pas na Bet-Goron toe en hulle bly doodmaak tot by Aseka en tot by Makkeda. 11Terwyl hulle op die vlug was vir Israel met die afdraand na Bet-Goron toe, het die Here van daar af tot by Aseka groot haelstene uit die lug op hulle laat val. Daar is meer van hulle deur die hael dood as wat deur die Israeliete met die swaard doodgemaak is.</div><div class="p"> 12Di&#233; dag toe die Here die Amoriete in die mag van die Israeliete gegee het, het Josua die Here om hulp gevra. Ten aanhore van Israel het hy ges&#234;:</div><div class="b"></div><div class="q1">&#8220;Son, staan stil in Gibeon,</div><div class="q1">en maan, staan stil in Ajalonlaagte!&#8221;</div><div class="b"></div><div class="m"> 13Die son het stilgestaan, die maan het nie geroer nie totdat Israel sy vyande verslaan het. Dit staan so geskrywe in die Boek van die Opregte. Die son het halfpad in die hemel bly staan. Byna 'n volle dag was hy nie haastig om onder te gaan nie. 14So 'n dag was daar nie voorheen of daarna nie, toe die Here vir 'n mens geluister het! Die Here het vir Israel die oorlog gevoer.</div><div class="p"> 15Daarna is Josua, en die hele Israel saam met hom, terug na die kamp toe in Gilgal.</div><div class="p"> 16Die vyf konings het gevlug en in 'n grot in Makkeda gaan wegkruip. 17Josua het berig gekry dat hulle ontdek is waar hulle weggekruip het, 18en hy het beveel: &#8220;Rol groot klippe in die bek van die grot en sit daar manne om hulle op te pas. 19Maar julle moenie daar bly staan nie. Agtervolg julle vyande en val hulle van agter af aan. Moenie dat hulle by hulle stede kom nie. Die Here julle God het hulle in julle mag oorgegee.&#8221; 20-21Toe Josua en die Israeliete klaar was met die groot slagting onder die vyande, is al die manskappe behoue terug na die kamp toe, na Josua toe in Makkeda. Die vyand is tot die laaste man toe doodgemaak, afgesien van die paar wat ontkom en die vestingstede gehaal het. Niemand het dit gewaag om iets teen die Israeliete te s&#234; nie.</div><div class="p"> 22Josua het ges&#234;: &#8220;Maak oop die grot se bek en bring die vyf konings uit die grot uit na my toe.&#8221; 23Hulle het dit gedoen, hulle het die vyf konings uit die grot uit na Josua toe gebring, die konings van Jerusalem, Hebron, Jarmut, Lakis en Eglon. 24Nadat hulle die konings na Josua toe gebring het, roep hy al die Israeliete en s&#234; vir die offisiere wat met hom saamgegaan het: &#8220;Kom hier, sit julle voete op die konings se nekke.&#8221;</div><div class="p">Hulle het dit toe gedoen, 25en Josua het vir hulle ges&#234;: &#8220;Moenie bang wees nie, moenie bekommerd wees nie, wees sterk, wees vasberade. So sal die Here maak met al julle vyande teen wie julle nog moet oorlog maak.&#8221;</div><div class="p"> 26Daarna het Josua die konings doodgemaak. Hy het hulle elkeen aan 'n boom opgehang en hulle het daar bly hang tot die aand toe. 27Met sononder is hulle op bevel van Josua van die bome af afgehaal en in die grot gegooi waar hulle weggekruip het. Die bek van die grot is met groot klippe toegepak. Di&#233; is tot vandag toe nog daar.</div><div class="s1">Die inname van ander stede in die suide</div><div class="p"> 28Daardie dag het Josua ook Makkeda ingeneem. Hy het die mense en hulle koning laat doodmaak en al wat leef in die stad uitgeroei. Niemand het vrygekom nie. Hy het met die koning van Makkeda gedoen soos met die koning van Jerigo.</div><div class="p"> 29Van Makkeda af is Josua, met die hele Israel by hom, na Libna toe. Hy het Libna aangeval, 30en die Here het ook di&#233; stad met sy koning in die mag van Israel oorgegee. Josua het die mense, al wat leef in die stad, doodgemaak. Niemand het vrygekom nie. Hy het met die koning van Libna gedoen soos met die koning van Jerigo.</div><div class="p"> 31Van Libna af is Josua, met die hele Israel by hom, na Lakis toe. Hy het sy manskappe teen die stad ontplooi en dit aangeval. 32Die Here het Lakis in die mag van Israel oorgegee, en Israel het die stad na twee dae ingeneem en al wat leef daarin doodgemaak, net soos hy met Libna gedoen het. 33Toe koning Horam van Geser vir Lakis te hulp snel, het Josua hom en sy manskappe ook verslaan. Niemand het vrygekom nie.</div><div class="p"> 34Van Lakis af is Josua, met die hele Israel by hom, na Eglon toe. Hy het sy manskappe teen die stad ontplooi en dit aangeval. 35Hulle het die stad nog dieselfde dag ingeneem en al wat leef daarin doodgemaak. Josua het die hele stad uitgeroei, net soos hy met Lakis gedoen het.</div><div class="p"> 36Van Eglon af het Josua, met die hele Israel by hom, teen Hebron opgetrek en die stad aangeval. 37Hulle het die stad ingeneem en die koning, die inwoners van al die buitedorpe en al wat in die stad leef, doodgemaak. Niemand het ontkom nie. Soos Josua met Eglon gedoen het, het hy ook Hebron en al wat daarin leef, uitgeroei.</div><div class="p"> 38Daarna het Josua, met die hele Israel by hom, na Debir toe gedraai en die stad aangeval. 39Hy het dit ingeneem, die koning en die inwoners van die buitedorpe doodgemaak en al die mense in die stad uitgeroei. Niemand het ontkom nie. Soos hy met Hebron en met Libna en sy koning gedoen het, het hy ook met Debir en sy koning gedoen. 40Josua het die hele gebied platgeloop, die Bergland, die Suidland, die Laeveld, die Hange, al die konings daar. Hy het niemand laat vrykom nie. Hy het alles wat asem het, uitgeroei, soos die Here die God van Israel beveel het. 41Josua het hulle platgeloop van Kades-Barnea af tot by Gasa, ook die hele Gosengebied en tot by Gibeon. 42Hy het al die konings en hulle lande in een veldtog oorwin, want die Here die God van Israel het die oorlog vir Israel gevoer. 43Daarna is Josua, en die hele Israel saam met hom, terug na die kamp toe in Gilgal.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkJOS">
 <div class="chapter ch11" data-usfm="JOS.11">
 <div class="label">11</div><div class="s1">Die inname van Hasor en omgewing</div><div class="p"> 1Koning Jabin van Hasor het gehoor van Josua se oorwinnings. Hy stuur toe boodskappe aan koning Jobab van Madon, aan die konings van Simron en Aksaf 2en aan die konings in die noordelike Bergland, di&#233; in die Jordaanvallei suid van Gennesaret, in die Laeveld en op die bergrug van Dor in die weste, 3die Kana&#228;niete in die ooste en die weste, die Amoriete, Hetiete, Feresiete, Jebusiete in die Bergland en die Hewiete onderkant Hermon in die Mispegebied. 4Hulle het almal gekom met hulle le&#235;rs, 'n groot menigte, so baie soos die sand van die see. Hulle het ook baie perde en strydwaens gehad. 5Al die konings het 'n bondgenootskap gesluit en saam hulle soldate vir die oorlog teen Israel ontplooi by die Meromwaters.</div><div class="p"> 6Die Here het vir Josua ges&#234;: &#8220;Moenie vir hulle bang wees nie. M&#244;re di&#233; tyd gee Ek hulle oor aan Israel, dan sneuwel hulle almal. Jy moet hulle perde se hakskeensenings afsny en hulle strydwaens verbrand.&#8221;</div><div class="p"> 7Josua en al sy manskappe het die vyand skielik oorval by die Meromwaters. 8Die Here het hulle in die mag van Israel oorgegee en di&#233; het hulle verslaan en hulle agtervolg by Groot-Sidon, Misrefot-Majim en die Mispelaagte in die ooste. Die Israeliete het hulle uitgeroei. Nie een het vrygekom nie. 9Josua het met hulle gedoen soos die Here vir hom ges&#234; het: hy het hulle perde se hakskeensenings afgesny en hulle strydwaens verbrand.</div><div class="p"> 10Daarna het Josua na Hasor toe gegaan, die stad ingeneem en sy koning doodgemaak. Hasor het vroe&#235;r die leiersposisie ingeneem tussen al die koninkryke daar. 11Die Israeliete het al die mense in die stad doodgemaak. Josua het hulle uitgeroei sodat niks wat asemhaal, bly lewe het nie. Die stad self het hy afgebrand.</div><div class="p"> 12Josua het ook al die stede van die ander konings ingeneem en die konings en die mense uitgeroei soos Moses, die dienaar van die Here, beveel het. 13Israel het egter nie die ou, gevestigde stede afgebrand nie. Dit is net Hasor wat deur Josua afgebrand is. 14Die Israeliete het die buit en die vee van die stede gevat, maar al die mense doodgemaak. Hulle het die mense heeltemal uitgeroei. Nie een het bly lewe nie. 15Wat die Here sy dienaar Moses beveel het, het Moses vir Josua beveel, en dit het Josua gedoen. Niks wat die Here vir Moses beveel het, is nagelaat nie.</div><div class="s1">Die gebied wat verower is</div><div class="p"> 16Josua het die hele land ingeneem, die Bergland, die hele Suidland, die hele Gosengebied, die Laeveld, die Jordaanvallei en die Israelberge met hulle uitlopers. 17Die gebied het gestrek van Kaalberg af wat na Se&#239;r toe oploop, tot by Ba&#228;l-Gad in die Libanonvallei onderkant Hermonberg. Josua het al die konings in di&#233; gebied verslaan en doodgemaak. 18Hy moes lank teen hulle oorlog voer. 19Behalwe die Hewiete in Gibeon het nie een stad met die Israeliete vrede gemaak nie. Die Israeliete het hulle almal in gevegte verower. 20Dit was die Here wat hulle in verset laat kom het, sodat hulle teen Israel geveg het: hulle moes sonder genade uitgeroei word, uitgewis word, soos die Here vir Moses beveel het.</div><div class="p"> 21In di&#233; tyd het Josua ook die Enakiete in die berge, in Hebron, Debir en Anab, in al die Judaberge en in al die Israelberge uitgeroei. Hy het hulle saam met hulle stede uitgeroei, 22en daar het geen Enakiete in die gebied van die Israeliete oorgebly nie. Net in Gasa, Gat en Asdod was daar Enakiete oor.</div><div class="p"> 23Josua het die hele land ingeneem soos die Here vir Moses beveel het, en toe die land as besitting aan Israel gegee, vir elke stam 'n deel.</div><div class="p">Die land kon toe rus van oorlog.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkJOS">
 <div class="chapter ch12" data-usfm="JOS.12">
 <div class="label">12</div><div class="s1">Die konings wat oorwin is</div><div class="p"> 1Die Israeliete het die volgende konings van die land oorkant die Jordaan, aan die oostekant, verslaan en hulle gebiede in besit geneem, die gebied van die Arnonvallei af tot by Hermonberg, en die hele oostelike deel van die Jordaanvallei:</div><div class="p"> 2Koning Sihon van die Amoriete in Gesbon het geheers oor die helfte van Gilead, van Aro&#235;r af aan die kant van die Arnonbedding, die middel van die bedding, tot aan Jabbokspruit waar die Ammoniete se gebied begin. 3Ook die oostelike deel van die Jordaanvallei, van die Gennesaretmeer af suid tot aan die see in die Jordaanvallei, die Soutsee, en verder in die rigting van Bet-Jesimot en suidwaarts van onderkant die Pisgahange af.</div><div class="p"> 4Koning Og van Basan, een van die laaste van die Refa&#239;ete, het in Astarot en Edre&#239; geregeer. Die gebied 5waaroor hy geheers het, het Hermonberg, Salka en die hele Basan ingesluit, tot aan die grens van Gesur en Ma&#228;ka, en ook die helfte van Gilead tot aan die grens van die gebied van koning Sihon van Gesbon.</div><div class="p"> 6Moses, die dienaar van die Here, en die Israeliete het hierdie twee konings verslaan, en Moses het die gebied aan die stam Ruben, die stam Gad en die halwe Manassestam as besitting gegee.</div><div class="p"> 7Hier volg nou ook 'n lys van die konings van die land duskant die Jordaan, aan die westekant, wat deur Josua en die Israeliete verslaan is, van Ba&#228;l-Gad in die Libanonvallei af tot by Kaalberg wat na Se&#239;r toe oploop. Josua het die gebied tussen die stamme as besitting verdeel: 8die Bergland, die Laeveld, die Jordaanvallei, die Hange, die woestyngebied en die Suidland, die gebiede waar die Hetiete, Amoriete, Kana&#228;niete, Feresiete, Hewiete en Jebusiete gewoon het. 9Die konings van die volgende stede is verslaan: Jerigo, Ai naby Bet-El, 10Jerusalem, Hebron, 11Jarmut, Lakis, 12Eglon, Geser, 13Debir, Geder, 14Gorma, Arad, 15Libna, Adullam, 16Makkeda, Bet-El, 17Tappuag, Gefer, 18Afek, Saron, 19Madon, Hasor, 20Simron-Meron, Aksaf, 21Ta&#228;nak, Megiddo, 22Kedes, Jokneam teen Karmelberg, 23Dor op die bergrug van Dor, Gojim by Gilgal, 24en Tirsa. Dit was altesaam een en dertig konings.</div>
 </div>
 </div>
</div>

Ou Testament — Die Geskiedkundige BoekeVoorbeeld

Skrif

Aangaande hierdie leesplan

Verwante Leesplanne