Geld en Belegging saam met die Kwak BroersVoorbeeld

Belegging Deel 2

My vriend, Caleb, het my een keer vertel: "Daniël, ek dink te veel mense is meer gefokus daarop om hulle selfone te herlaai as om hulleself te herlaai."

Ek onthou dat op daardie presiese oomblik toe hy dit gesê het, het ek baie hartseer gevoel. Ek het al die tye onthou wat ek na my selfoon gekyk het, gesien het die battery is amper pap en dadelik na 'n muurprop gesoek het om my selfoon te herlaai. Hoe dikwels reageer ons op dieselfde wyse wanneer ons gees 'n laagtepunt bereik? Soek ons dadelik die naaste Bybel om toe te laat dat die Woord van God ons geestelik vul? Wat daarvan as ons gedagtes 'n laagtepunt bereik? Soek ons dadelik die naaste boek, potgooi of video wat ons sal help om persoonlik te ontwikkel? Ek twyfel of ons dit doen. Ek weet ek kan ten minste namens myself praat.

In teorie moet ons nie eers reageer wanneer ons gees en gedagtes laagtepunte bereik nie. Ons moet proaktief wees in plaas van reaktief. Dikwels veroorsaak nalatigheid in hierdie areas vir ons probleme in die toekoms wat ons dikwels nie sien kom nie. 

Baie van ons het dieselfde houding ten opsigte van ons finansies en beleggings. Ons sal dikwels nalaat om seker te maak waarheen ons geld gaan wanneer dit by beleggings kom, en eerder ander toelaat om namens ons besluite te neem.

Vra ek jou nou om terug te gaan universiteit toe en 'n graad in finansies te verwerf? Nee, glad nie. Dit sal in elk geval te duur wees! Die vraag waarmee ek jou vandag wil uitdaag is: "As ons werklik glo dat ons finansies aan God behoort, moet ons dan nie proaktief wees om beter rentmeesters te wees nie?"

As 'n eiendom beleggingsentrepreneur het ek al te veel individue ontmoet wie se finansies drasties kon verbeter ten opsigte van volhoubare groei deur geleenthede buite die aandelemark te ondersoek. Deur nalatigheid laat hulle dit dikwels staties totdat hulle geforseer word om dit te verander.

Spreuke 27:23 sê: "Sorg dat jy weet wat jou kleinvee nodig het, gee aandag aan jou veetroppe." Ek wil jou aanmoedig om die Heilige Gees te vra hoe om proaktief te wees en nalatigheid agter te laat. Soos jou dag verbygaan, vra jouself: "Hoe kan ek 'n beter rentmeester wees van alles waarmee God my op hierdie aarde vertrou?"